1 Corintios 5:2 - Tayta Diospa Wilakuynin

² Sayno kaykaptinqa ¿imanirtaq penqakuyankisu? Penqakuyänaykipa trukan kushikuykäyankimi. Say niraq runataqa ¿imanirtaq shuntakäyashqaykipita qarquyankisu?

1 Corintios 5:2 ပူးပေါင်းရင်းမြစ်များ

2 Reyes 22:19

Kay marka y kay markacho taqkuna asulash kayänanpaq kashqanta wiyar lakikushqaykita y mansakashqaykita rikashkämi. Saynöpis rikashkämi mödanaykita rachir waqashqaykita.

Salmo 119:136

Leynikikunata runakuna mana cäsukuyaptinmi fiyupa lakikur waqä.

Jeremías 13:17

Mana wiyakuyaptikiqa qamkunapaq pakaylapami waqashaq. Tayta Dios kuyashqan runakuna kayaptikipis prësu apakuyäshuptiki lakikushpä fiyupami waqashaq.

Ezequiel 9:4

nirqan: <>.

Ezequiel 9:6

Awkinkunata, maqtakunata, jipashkunata, wamrakunata y warmikunatapis lapanta wanusiyämuy. Señalash kaqkunata isanqa ama wanusiyankisu. Templu patiucho kaykaq runakunapita qalaykur wanusiyanki>>. Sayno niptinmi templu patiu punkucho kaykaq mayor runakunata wanusiyarqan.

Números 25:6

Sayno niptinmi lapan Israel runakuna Tinkuna Toldu patiucho waqaykäyarqan. Say hörami Moisés y wakin runakunapis rikaykäyaptin juk Israel runa mana penqakuypa madianita warmita toldunman yaykasirqan.

1 Corintios 4:18

Wakinnikiqa mana kutimunäpaq kaqta yarparshi seqaypa yachaq tukuykäyanki.

1 Corintios 5:13

Jesucristuta mana chaskikuq runakunataqa kikin Diosmi juzganqa. Jesucristuta chaskikuq mayikikunata corrigiyänaykipaq munayyuq kaykarqa madrastanwan kakuq runataqa qarquyay. Saynöpami mana ali ruraykuna qamkunacho kanqasu.

2 Corintios 12:20

Qamkuna kaqman shamur lutanta ruraykäyaqta tarinäpaq kaqtami lakikü. Saynöpis lakikü sayno kaykaqta tarir qamkunata olqutupänäpaq kashqantami. Capazchir qamkunata tarïman rimanakuykäyaqta, chikinakuykäyaqta, rabyäsinakuykäyaqta, jukpa washanta rimaykäyaqta, jamuränakuykäyaqta, rabyapänakuykäyaqta, runa tukuykäyaqta y mana alikunata ruraykäyaqta.

2 Corintios 12:21

Capazchir melanaypaq kaqkunata, fornicación jusata y chïnäkur waynäkur puriykäyashqaykita kachariyashkankisu. Jusalikuykaqta tarir qamkunapita Tayta Diospa nawpancho penqakunäpaq kaqpitami lakikü.