1 Corintios 2:4 - Tayta Diospa Wilakuynin

⁴ Yachaq runakuna parlayashqanno y yarpäyashqanno yachasinäpa trukanqa Espíritu Santupa munayninwanmi yachasirqä.

1 Corintios 2:4 ပူးပေါင်းရင်းမြစ်များ

Proverbios 20:19

Tulu shimiqa juklami pitapis wilapärin. Sayno kaqkunawanqa ama shuntakäyaysu.

Proverbios 7:21

Sayno mishkisipaypa parlapaykälarmi say maqtata valuraskasirqan.

Jeremías 20:10

Runakuna manakaqman churamarmi asipäyämänanpaq shapshapyaylapa parlar niyan: <<¡Magor-misabib!>> Saynöpis lapan shuntakaykurmi wilanakuyan manakaqkunata tumpayämänanpaq. Amïgükunapis munaykäyan imanölapapis mana aliman chänätami. Paykuna wilanakuyan imatapis criyisimar lutanta parlasiyämänan kashqami.

Ezequiel 13:6

Paykuna wilakuyashqanqa manami rasunpaypasu kaykan. Paykunaqa manapis kachaykaptïmi wilakuyänanpaq kachashqäta nikäyan. Niyashqanno lapanpis kananpaq kashqantami yarpäyan.

Hechos 26:28

Saymi Agripa nirqan: <<¿Say nimashlaykiwan cristiänu kanäpaq kashqantaku yarpanki?>>

Romanos 15:13

Tayta Dios yanapaykuyäläshunki payman yärakur jukniki juknikipis ali kawayänaykipaq, Espíritu Santupa makincho kawayänaykipaq y nawpanman chäyänaykipaq kashqanta musyar waran waran kushish kawayänaykipaqpis.

Romanos 15:19

Espíritu Santupa munayninwan milagrukunata rurarmi Jerusalénpita qalaykur hasta Ilírico provinciayaq Jesucristupa wilakuyninta chäsishkä.

Romanos 16:18

Paykuna manami Jesucristo alabash kananta munarsu yachasiyan, sinöqa kikinkuna alabash kayta munalarmi. Paykunaqa ali shimilanpami mana tantiyakuq wawqi panikunata lutanta criyiykäsiyan.

1 Corintios 1:17

Manami runakunata bautizar purinäpaqsu Jesucristo kachamash, saypa trukanqa ali wilakuyninta wilakur purinäpaqmi. Wilakuyninta wilakurqa manami yachaq kashqäta runakuna yarpäyänanpaqsu wilakü. Yachaq tukur wilakurqa Jesucristo cruzcho wanushqantami manakaqman churäman.

1 Corintios 2:1

Wawqi panikuna, qamkuna kaqman shamur manami yachaq runakuna parlayashqannösu ni paykuna yarpäyashqannösu Tayta Diospa wilakuyninta yachasirqä.

1 Corintios 2:13

Qamkunataqa manami runakunapita yachakushqätasu wilapaykä, saypa trukanqa Espíritu Santu tantiyasimashqantami. Saymi Espíritu Santuta chaskikush kayaptiki paypa yarpayninkunata tantiyaykäsï.

1 Corintios 4:20

Tayta Dios mandaykashqancho kawayqa manami yachaq tukur parlashqansisu, sinöqa pay munashqanta rurar kawashqansimi.

2 Corintios 6:6

Saynöpis Tayta Diosta sirviq kayashqäta tantiyakuyänanpaqmi mana jusalikuypa kawayä, wilakuyninta shumaq tantiyakuyä, chikimaqnïkunata perdonayä, pïmaytapis kuyapäyä, Espíritu Santupa munaynincho kawayä, pipaqpis ali shonqu kayä,

Gálatas 1:10

Sayno nishpä ¿runakuna alabayämänantasuraq ashiykä? ¿Runakunapita ali rikash kaytasuraq munaykä? Noqa manami runakuna alabayämänanpaqsu yachaykäsï, saypa trukanqa Tayta Dios: <> nimänanpaqmi. Runakuna alabayämänan raykula yachasirqa manami Jesucristupa sirviqninsu käman.

Colosenses 2:4

Sayno nikä pipis ali shimilanpa parlapäshushpayki lutanta mana criyisiyäshunaykipaqmi.

1 Tesalonicenses 1:5

Sayta musyayä ali wilakuyninta Espíritu Santupa poderninwan wilapaptï chaskikuyaptikimi. Qamkunapis musyayankimi kuyayashqäta y Tayta Dios munashqanno kawayashqätapis.

1 Pedro 1:12

Profëtakunatami Espíritu Santu tantiyasirqan paykuna kawayashqan wisan shamunanpa trukanqa shamuq watakunachöraq shamunanpaq kashqanta. Jesucristo shamushna kaptinmi kananqa jana pasapita shamuq Espíritu Santupa munayninwan Jesucristupa ali wilakuyninta wilakuykäyan. Jesucristo noqansi rayku wanur salvamashqansitami angilkunapis imanöpapis tantiyayta munaykäyan.

2 Pedro 1:16

Señor Jesucristo munayyuq kashqanta y kutimunanpaq kashqanta manami yarpayläpitasu yachaykäsï, saypa trukanqa chipipiykaqta kikï rikash karmi sayno yachaykäsï.

2 Pedro 2:18

Paykunaqa sumäsiyashpanmi yachaq tukur imatapis parlayan. Jusankunata sayraq kacharish kaqkunatami shakyäsiyan lutankunata rurayänanpaq.

Jueces 14:15

Chusku junaqchönami Sansónpa warminta niyarqan: <>

Jueces 16:5

Sayta musyaykurmi filisteo runakunapa mandaqninkuna aywaykur Dalilata niyarqan: <>.