Roma 16:20 - Quechua Southern Pastaza

²⁰ Ñukanchita kushilla kawsayta kuk Yayanchi Dioska manana unayankachu kankunata atipachinanpa supaykunapa apunta winsishpa winsishpa rihushkaykichipi sumakta winsinaykichipa. Amunchi Jesús kankunata llakichishpan yanapachun.

Roma 16:20 ပူးပေါင်းရင်းမြစ်များ

Mateo 4:10

Chaypina Jesuska aynirka: Nima imashna kanta kunkurishpa mañashanchu. Ñukamanta anchuriy Satanás supaykunapa apun. Yaya Diospa killkachishkanpi nin: Yayaykichi Diosllata kunkurishpa mañaychi. Payllata kasushpa kawsaychi nishpa.

Lukas 10:19

Chay supaykuna machakuya uputinti sulimanwa waklichikshina kankunata shunkuykichipi waklichinayanahun. Ñuka kankunata atipachishkani tukuy supaykunata winsinaykichipa, kankunata mana imanachinankunapa.

Roma 15:33

Mañahunimi kushilla kawsayta kuk Yayanchi Dios tukuy kankunawa kananpa. Chasna kachun.

Roma 16:23

Gayopas kankunata saludan. Paypa wasinpi kahunchi. Kaypi kawsak kirikkunapas paypa wasinpimi tantarinahun. Kay llaktapi kullkita wakaychak Erastopas kankunata saludan. Chaymantapas kirik masinchi Cuarto kankunata saludanmi.

Roma 16:24

Amunchi Jesukristu tukuy kankunata llakichishpan yanapachun. Chasna kachun.

Roma 8:37

Chasna parisishpa kawsahushkanchipi Jesukristumi ñukanchita yapa yuyashpan yanapan tukuy chay parisinakunata awantananchipa payllata kasushpa kawsananchipa.

1 Korinto 16:23

Amunchi Jesukristu kankunata llakichishpan yanapachun.

2 Korinto 13:14

Amunchi Jesukristu kankunata llakichishpan yanapachun. Yaya Dios kankunata yuyashpan paypa Espiritunka karan uras tukuy kankunata sinchikuchishpan kankunawa kawsachun. Chayllata killkashkanchi. Wawkikichikuna turikichikuna Pablo, Timoteo

Galasia 6:18

Wawkinikuna paninikuna, Amunchi Jesukristu kankunata llakichishpan munashkanta karan shuk kankunapi paktachichun. Chasna kachun. Chayllata killkashkani. Wawkikichi turikichi Pablo

Filipos 4:23

Amunchi Jesukristu kankunata llakichishpan munashkanta karan shuk kankunapi paktachichun. Chayllata killkashkanchi. Wawkikichikuna turikichikuna Pablo, Timoteo

1 Tesalónika 5:28

Amunchi Jesukristu kankunata llakichishpan yanapachun. Chayllata killkashkanchi. Wawkikichikuna turikichikuna Pablo, Silvano, Timoteo

2 Tesalónika 3:18

Amunchi Jesukristu tukuy kankunata llakichishpan yanapachun. Chayllata killkashkanchi. Wawkikichikuna turikichikuna Pablo, Silvano, Timoteo

2 Timoteo 4:22

Amunchi Jesukristu tukuy uras kanwa kashpan munashkanta kanpi paktachichun. Yaya Dios tukuy kankunata llakichishpan yanapachun. Chayllata killkashkani. Wawkiki Pablo

Filemón 1:25

Amunchi Jesukristu kankunata llakichishpan munashkanta karan shuk kankunapi paktachichun. Chayllata killkashkanchi. Wawkikichi Pablo, Timoteo

1 Juan 3:8

Maykan runami uchata rurashpa kawsan, payka supaykunapa apunta kasukmi kan, supay puntirumanta pacha uchata ruraysiki kashkanrayku. Yaya Diospa Wawanka kay allpama shamurka, supaykunapa apun ñukanchita kamachik kashkanmanta wichushpan tukuy waklichishkanta alichananpa, manana payta kasushpa kawsananchipa.

Apocalipsis 12:10

Chaymanta uyarkani silupi sinchi shimiwa rimahushkata kasna: Kunan shuti ñami Yayanchi Dioska wawankunata supaykunapa apunta kichushkanta rikuchin. Kunan ñami atun yachayninta rikuchihun. Ñami kallarishka kamachinata. Chaymantapas Kachashkan Kishpichiktapas ña churashka paywa pakta kamachinanpa. Kunan shuti ña supaykunapa apunka silumanta wichuy tukushka. Manara wichuy tukushpan Yayanchi Diosta kasuk masinchikunamanta punchanti tutanti mana alita rurashkankunata rimak ripayarka.

Apocalipsis 22:21

Pay tukuy kankunata llakichishpan alita rikuchun. Chayllatami ñuka Juan killkashkani.