Mateo 20:31 - Quechua Southern Pastaza

³¹ Chasna sinchita kaparishpankuna Jesuswa purik runakunaka killarishpankuna rimarkakuna: Chunllayaychi nishpa. Chay wiskukunaka mana kasushpachu ashwan sinchita kaparirkakuna: ¡Yaya Jesús, Davidpa Miraymanta Kishpichik, ñukanchita llakichiy!

Mateo 20:31 ပူးပေါင်းရင်းမြစ်များ

Mateo 15:23

Jesuska chayta uyashpanpas nima imata aynirkachu. Chaypina Jesusta kayllayashpanchi rimarkanchi: Chay warmita rimay kaymanta anchurinanpa, yapami ñukanchita kaparishpa apanakuhun nishpa.

Mateo 19:13

Chaymanta shuk runakuna wawankunata Jesusma pushamurkakuna, Jesús llankashpan paykunarayku Yaya Diosta mañananpa. Chayta rikushpanchi ñukanchika piñarishpa paykunata arkahurkanchi Jesusta mana kayllayanankunapa kasna nishpa: Ama chay wawastukunataka Jesusma pushamuychichu.

Mateo 20:30

Chaypina ishkay wisku runakuna ñampi mayanpi tiyahurkakuna. Paykunaka Jesús pasahushkanta uyashpankuna sinchita kaparishpa rimarkakuna: ¡Yaya Jesús, Davidpa Miraymanta Kishpichik, ñukanchita llakichiy!

Mateo 20:32

Chaypina Jesuska rihushkanmanta shayarishpan chay ishkay wisku runakunata kayashpan tapurka: ¿Imatata munankichi kankunarayku ruranaynipa?

Mateo 9:27

Jesús chay apupa wasinmanta llukshishpan ishkay wisku runakuna sinchita kayashpa katirkakuna: ¡Davidpa Miraymanta Kishpichik, llakichiy ñukanchita! nishpa.

Lukas 18:39

Chaypi chay Jesuspa puntanpi rihuk runakunaka arkashpa chunllayay nirkakuna. Chasna rimashpankunapas payka ashwan sinchita kaparirka: ¡Davidpa Miraymanta Kishpichik, llakichiway!

Kolosa 4:2

Wawkikuna panikuna, ama sakiychichu Yaya Diosta mañanata. Tukuy uras sinchikushpalla, mana sampayashpa, Yaya Diosta agradesishpa mañaychi.

1 Tesalónika 5:17

Yaya Diosta mañashpalla kawsaychi.