Mateo 14:28 - Quechua Southern Pastaza

²⁸ Chaypi Pedroka aynirka: Kan Jesús kashpaykika rimaway kanma rinaynipa, yaku awata purishpa.

Mateo 14:28 ပူးပေါင်းရင်းမြစ်များ

Mateo 14:27

Chasna kaparihushpanchi Jesuska ñukanchita rimarka: Sinchikuriychi. Ñukami kani, ama manchariychichu.

Mateo 14:29

Jesuska aynirka: Shamuy ñukama. Chayta uyashpan Pedroka botimanta uraykushpan Jesusma rirka yaku awata purishpa.

Mateo 19:27

Chaypina Pedroka rimarka: Ñukanchika sakishkanchimi tukuy ñukanchipa tiyashkakunata kanta katinanchiranti. ¿Imatata Yaya Dios ñukanchita kunka? nishpa.

Markus 14:31

Chaypi Pedroka kuti rimarka: Shutipa rimani, kanwa parihu wañunayni kashpanpas kanwa pakta wañusha, manami rimashanchu kanta mana riksinaynita nishpa. Chasnallatata chay shuk runankunapas rimarkakuna.

Juan 6:68

Pedroka aynishpan rimarka: Yachachik, nima pi tiyanchu ashwan katinanchipa. Kanllami ñukanchita rimanki imashnami Yaya Dioswa mana tukurik kawsayta tarinchi.

Roma 12:3

Yaya Dioska ñukata yuyawashpanmi akllawashka kankunata yachachinaynipa. Chayraykumi tukuy kankunata rimani, ama kankuna kikinmanta yuyariychichu kanaykichimanta ashwan kanaykichita. Ashwan shutipa kanaykichillata yuyariychi, imashnami Yaya Dios kankunata atipachishka payta kirishpa alikunata ruranaykichipa.

Santiago 1:6

Tapunaykichi tiyan yuyayta Yaya Diosta tukuy shunkuykichimanta pacha. Tapushpaykichika ama yuyariychichu ¿Yaya Dioska kuwankachu manachu? nishpa. Chasna yuyarishpaykichika kankichimi ulas wayrawa shuk partima shuk partima apay tukushkashina ishkay yuyayyu runakuna. Kankuna chasna kashpaykichika Yaya Dioska tapushkaykichitaka manami kankunata kunkachu. Chayrayku Yaya Diosta alita kirishpa tapunaykichi tiyan.