Mateo 14:27 - Quechua Southern Pastaza

²⁷ Chasna kaparihushpanchi Jesuska ñukanchita rimarka: Sinchikuriychi. Ñukami kani, ama manchariychichu.

Mateo 14:27 ပူးပေါင်းရင်းမြစ်များ

Mateo 14:28

Chaypi Pedroka aynirka: Kan Jesús kashpaykika rimaway kanma rinaynipa, yaku awata purishpa.

Mateo 17:7

Chaypina Jesuska kayllayashpan paykunata llankashpan rimarka: Atariychi, ama manchariychichu nishpa.

Mateo 28:10

Chaypina Jesuska paykunata rimarka: Ama manchariychichu. Kunalla rimak riychi wawkinikunata Galilea allpapi llaktakunama rinankunapa. Chaypimi rikuwankakuna.

Mateo 28:5

Chaypina chay warmikuna paktashpankuna chay angelka rimarka: Ama manchariychichu. Yachani shamushkaykichita maskanapa kruspi klabarishka Jesusta.

Mateo 9:2

Chaypina shuk runakuna shuk chakichik unkuyyu runata llanchamanpi apamurkakuna Jesusma. Chay unkushkata apamuk runakunaka tukuy shunkunkunamanta pacha kirishpankuna yuyarirkakuna Jesús chay unkushkata ampinanta nishpa. Chaypi Jesuska paykunata rikushpan kirihushkankunata yacharka. Manara ampihushpan chay unkushkata rimarka: Sinchikuriy wawki, tukuy uchaykikunamanta llakichirishkami kanki nishpa.

Lukas 1:13

Chaypi angelka rimarka: Ama manchariychu. Yaya Dios uyashka mañashkaykita. Warmiki Isabelka shuk kari wawata wawayanka, maykantami shutiyachinkichi Juan.

Lukas 1:30

Chaypi angelka nirka: Maria, ama manchariychu. Yaya Dioska kanta yuyashpan akllashka.

Lukas 12:32

Munashkayni obehakunashinami kankichi. Mana achka kashpaykichipas ama manchaychichu nima imata. Yaya Diosmi kankunata yuyashpan munan paywa pakta wiñayparayku ali kamachihushkanpi kawsanaykichipa.

Lukas 2:10

Chaypina angelka rimarka: Ama manchariychichu. Suma shimita kankunata rimanayani Yaya Diosmanta. Kay shimita yachashpankuna tukuy runakunami kushikunkakuna.

Juan 16:33

Manara paktarishpanmi tukuy chayta kankunata rimahuni, paktarishpan mana mancharinaykichipa. Munani kushilla kanaykichipa, runaynikuna kahushkaykichirayku. Yaya Diosta mana kasuk runakuna chawpipi kawsahushpaykichira manchayta nanayta llakiyta parisinkichi. Chasna kashpanpas sinchikuriychi yuyarishpaykichi ñuka parisishpayni winsishkaynita millaypata rurachikta.

Juan 6:20

Chaypi Jesuska ñukanchita rimarka: Ñukami kani, ama manchariychichu nishpa.

Hechos 23:11

Chay kayanti tutapi Jesukristuka muskuypishina Pabloma shamushpan rimarka: Pablo, ama manchariychu, ama llakiriychu, ashwan sinchikuy. Ñuka munani kay Jerusalenpi ñukamanta rimashkaykishina kunan chay atun Roma llaktapipas chasnallatata kwintanaykipa nishpa.