Markus 6:51 - Quechua Southern Pastaza

⁵¹ Chaypina Jesuska botinkunapi uraykurka. Chasna uraykuhushkanllapi chay sinchi wayraka pasarirka. Chaypi runankunaka yapa mancharishpankuna rimarkakuna: ¿Imashnataya kay Jesuska wayrata pasachin? nishpa.

Markus 6:51 ပူးပေါင်းရင်းမြစ်များ

Mateo 8:10

Chay kapitan chasna rimashpan Jesuska yapa kushikurka. Chaymanta tukuy chay katihukkunata rimarka: Kankunata rimani, tukuy israel masinikunamanta nima maykan ñukata tukuy shunkunmanta pacha kiriwashkanta tarishkanichu kay romano runatashina. Ñukanchi israel runakuna Yaya Diospa akllashkankuna kashpanchitata kankunaka mana kay runashinachu kiriwankichi.

Markus 1:27

Chayta rikushpankuna tukuy runakunaka mancharishpankuna tapunakurkakuna: ¿Pitaya kay runaka? Atun yachayninwa shuk mushu shimita yachachin. Supaykunatapas kamachin. Kamachishpan kasunahun.

Markus 2:12

Chaypina chay runaka utkalla atarimushpan llanchamanta apishpan llukshimurka chay wasimanta. Tukuy chay runakunaka rikushpankuna kushikushpa rimarkakuna: Yaya Dios, suma ali yachakmi kanki. Nima ima uras chasna rurashkaykita rikushkanchichu nishpa.

Markus 4:39

Atarishpan Jesuska chay wayrata ulastapas rimarka: ¡Kasillayay wayra! ¡Kasillayay ulas! Chay rimashkanllawa pasarirka wayraka ulaspas, manana ulasyarkanachu.

Markus 4:41

Chasna Jesuska rimashpan runankunaka tapunakurkakuna paykunapura: ¿Pishi kay runaka? Shuk rimashkanllawa wayrata ulastapas kasillayachishka.

Markus 5:42

Chasna rimashkanllawa chay chunka ishkay watayu warmi wawaka atarimushpan kallarirka purinata. Runakunaka atunta mancharirkakuna wañushkanmanta atarishkanrayku.

Markus 6:32

Chaypina paykunalla botipi rirkakuna chunllama.

Markus 7:37

Atunta mancharishpa kushikushpankuna rimarkakuna: Rikuychi kay Jesuspa rurashkanta tukuy yapa ali kananta. Mana uyak runatapas ampin, mana rimanata atipaktapas rimachin.

Juan 6:21

Jesusta botipi yaykuchinayahushpanchi musyarkanchi ña paktashkanchita maymami chimpahurkanchi.