Markus 11:13 - Quechua Southern Pastaza

¹³ Chasna yarkaywa kahushpan karumanta shuk igu kaspi pankayuta rikurka. Chayta rikushpan alita rikunanpa kayllayarka, pakta muyuyu kahun nishpa. Chaypi paktashpan nima shuk muyuta tarirkachu, mana muyuyanan uraschu karka.

Markus 11:13 ပူးပေါင်းရင်းမြစ်များ

Mateo 21:19

Ñampi mayanpi shuk igu kaspita rikurka. Chayta kayllayarka muyunta mikunayashpan. Chay uras chay kaspika mana muyuyuchu karka, pankankunallata tarirka. Chaypina Jesuska chay igu kaspita rimarka: Kunanmanta pacha manana muyuyankinachu. Chasna rimashpanlla chay igu kaspika kunkaymanta chakirirka.

Markus 11:12

Kayantima Jesuska runankunawa chay Betania llaktamanta llukshishpan yarkaywa karka.

Markus 11:14

Chasna mana muyuyuta rikushpan Jesuska chay igu kaspita nirka: Nima ima uras kuti muyuyankichu. Nima maykan muyuykita kutikashka mikunkachu. Chasna Jesuspa rimashkanta tukuy runankunaka uyarkakuna.

Lukas 10:31

Chay uraslla shuk saserdote shamuhurka chay ñampillatata. Rikuhushpan chay makashka runa wañuhukta, mana yanapanayashpan karullata pasarka.