Markus 1:43 - Quechua Southern Pastaza

⁴³ Ña Jesuska sakihushpan chay ampishkan runata sumakta kunarka:

Markus 1:43 ပူးပေါင်းရင်းမြစ်များ

Mateo 9:30

Chasna rimashpan chay ishkay runakunaka alitana rikurkakuna. Chaypina Jesuska paykunata alita kunarka: Nima pita kwintankichichu ñuka kankunata ampishkaynimanta.

Markus 1:42

Chay ratulla unkuyninmanta ampirishpan aychanka alina kiparirka.

Markus 1:44

Nima pita kwintankichu kanta ampishkaynimanta. Ashwan saserdotellama riy ampirishkaykita rikuchinaykipa. Chaymantapas Yaya Diosta kunayki kashkata apashpayki churak rinki, ñawpa Moisespa killkashkanpi kamachishkashina. Chasna rurashkaykimantami tukuy runakuna yachankakuna unkushkaykimanta ampirishkaykita nishpa.

Markus 3:12

Chasna kaparishpankuna Jesuska kamachishpan rimarka: Chunllayaychi. Ama nima pita rimaychichu ñuka Yaya Diospa Wawan kanaynita. Chasna rimashpan chunllayarkakuna.

Markus 5:43

Tukuy parti kwintanayashpankunapas Jesuska sumakta kunarka mana nima pita kwintanankunapa. Chaymanta chay wawapa yayanta mamantapas rimarka: Wawaykichita karaychi nishpa.

Markus 7:36

Chaymanta Jesuska chay ampishkanta rikuk runakunata rimarka, nima pita kwintanankunapa chay karita ampishkanmanta. Chasna rimashpantata mana kasushpa ashwanta kwintarkakuna.

Lukas 8:56

Chayta rikushpankuna chay shipaspa yayan mamanpas yapa kushikurkakuna. Chaypina Jesuska paykunata rimarka: Ama rimankichichu nima pita kay wawaykichita wañushkanmanta kawsachishkaynita nishpa.