Juan 13:19 - Quechua Southern Pastaza

¹⁹ Kunan manara paktarishpanra chayta kankunata rimashkani, ña paktarishpan yachanaykichipa Yaya Diosmanta kashkaynita.

Juan 13:19 ပူးပေါင်းရင်းမြစ်များ

Mateo 11:3

Chaypina payta tapurkakuna: ¿Kanchu kanki maykantami Yaya Dios kachanan karka? Manapika ¿shuktachu chapashunchi?

Mateo 24:25

Chay uras yuyariychi ña kankunata rimashkaynita chasna llullachik runakuna paktanankunata.

Lukas 21:13

Chasna ruray tukuhushpaykichi achka uyahushkankunapi atipankichi ñukamanta rimanata.

Juan 1:15

Paymantami Juanka rimashpan ñukanchita yachachirka kasna nishpa: Chay Kristumantami rimashkani kasna nishpayni: Ñuka yachachinata sakishkayniwasha ñukamanta ashwan atun yachayyumi yachachinka. Manarapas wawayarishpaynira payka ña tiyarka. Chayraykumi paymanta rimani, ñukamanta ashwan atun yachayyu nishpa.

Juan 14:29

Manara rihushpaynira kankunata chayta rimani, paktarishpan yachanaykichipa rimashkaynika shutipa kashkata.

Juan 16:4

Chasna rimani paykuna kankunata chiknishpankuna ña rimashkaynita yuyarinaykichipa. Kunankama kankunawa kahushpayni runakuna ñukallata chikniwashkakuna. Chayrayku yachachinata kallarishkaynimanta pacha manara rimashkanirachu kankunata chikninankunamanta.

Juan 4:26

Jesuska aynirka: Ñuka kanwa kwintakmi chay rimahushkayki runaka kani.

Juan 8:28

Chayrayku Jesuska paykunata rimarka: Kankuna kruspi alsawashpaykichi Yayayni Diospa Kachashkan Runata, chaypirami riksiwankichi ñuka Yaya Dios kanaynita. Chaymantapas yachankichi nima imata ñuka kikin yuyaynimanta rurashkaynita, ashwan Yayaynipa yachachiwashkanllata kasushkaynita.

Juan 8:58

Jesuska paykunata aynirka: Alita uyawaychi, Abraham manara wawayarishpanra ñuka chasnalla kawsa Yaya Dios karkani.