Hechos 9:4 - Quechua Southern Pastaza

⁴ Chayta rikushpan Sauloka allpama urmarka. Chaypi shuk payta rimahushkata uyarka: Saulo, Saulo, ¿imaraykuta chiknishpa parisichiwahunki?

Hechos 9:4 ပူးပေါင်းရင်းမြစ်များ

Mateo 25:40

Chasna tapuwashpankuna ñukaka atun kamachik kashpayni paykunata rimasha: Alita uyawaychi. Kankunaka nima imayu runata yanapashpaykichi ñukatami yanapawashkankichi nishpa.

Lukas 10:41

Chasna nishpan Jesuska aynirka: Marta, Marta, musparishpa kahunki chay tukuy imakunata ruranaykipa.

Juan 18:6

Jesuska ñukami kani nishpa rimashpan chay apik runakunaka washankunama kutirishpa allpama urmarkakuna.

Juan 20:16

Chaypi Jesuska shutinpi rimarka Maria nishpa. Shutinta uyashpan alita tikrarishpan rikurka. Jesusta riksishpan hebreo shimipi rimarka: Yachachik, kanchu kanki nishpa.

Juan 21:15

Mikushkanchiwasha Jesuska Pedrota ñawpa shutinpi rimashpan tapurka: Juanpa wawan Simón ¿kanka yuyawankichu ashwan kay shuk runaynikunamanta? Pedroka aynirka: Ari Amuyni, kan yachanki kanta yuyahushkaynita. Chaypi Jesuska nirka: Imashnami obehakuna shuk kuyrakta munanahun mana pantanankunapa nima chinkarinankunapa chasnashinami runaynikunapas shuk kuyrakta munanahun. Kanka kuyray ñukapi sinchikuk runakunata.

Hechos 5:10

Chasna rimahushkanllapi chay warmipas wañushka urmarka Pedropa puntanpi. Chay musukuna yaykumuhushpankuna wañushkata tarirkakuna. Chaymanta paytapas surkushpankuna aparkakuna urku uchkupi churashpa tapak rinankunapa kusanpa kuchunpi.

Hechos 9:5

Chasna tapuy tukushpan Sauloka aynirka: ¿Pitaya kanki? nishpa. Chaypi silumanta rimahukka aynirka: Parisichiwahushkayki Jesusmi kani.

Roma 11:22

Rikuychi, Yaya Dioska runakunata yapa yuyak kashpanpas paypas kastigakmi kan mana payta kirikkunataka. Ñukanchi israel runakunamanta mana payta kirikkunataka kastigarkami. Kankunataka shutipa payta kirihushkaykichita rikushpanmi llakichirka. Chayrayku payta kirishpalla katiychi paypas kankunata yuyashpalla katinanpa. Payta sakishpaykichika kankunatapas wichunkami.

1 Korinto 12:12

Ñukanchi runakunapa tiyan makinchikuna, chakinchikuna, ñawinchikuna, sinkanchikuna, rinkrinchikuna. Tukuy chaykuna ñukanchikunapa tiyashpanpas shuk runallami kanchi. Chasnallatatami ñukanchi Kristuta kirikkunapas Yaya Dios karan shukta chikan chikanta atipachishpanpas shuk runashinallami kanchi.

1 Korinto 4:7

Kankunaka mana shukkunamanta ashwan alichu kankichi chasna rimanaykichipa. ¿Manachu yuyarinkichi tukuy ali yachana tukuy charihushkaykichipas Yaya Diospa kushkan kananta? Yaya Dios mana kankunata yanapashpanka mana atipankichichu ruranata nima yachanata nima imata. Chayrayku ama kankuna kikinta atunyachiriychichu.