Hechos 22:22 - Quechua Southern Pastaza

²² Chaykamalla tukuy israel runakuna Pablopa kwintahushkanta alita uyarkakuna. Pay ñukanchi mana israel runakunamanta rimashpan tukuy runakuna kuti kaparirkakuna: ¡Wañuchiychi kay runata! ¡Mana alichu chasna runaka kawsananpa!

Hechos 22:22 ပူးပေါင်းရင်းမြစ်များ

Lukas 23:18

Chasna rimashpan tukuy chaypi kahukkunaka piñarishpa kaparirkakuna: ¡Payta wañuchiy! ¡Barrabasta kacharichiy!

Juan 19:15

Chasna rimashpan apunchikunaka kaparirkakuna: ¡Wañuchichiy! ¡Wañuchichiy! ¡Kruspi klabachiy! Pilatoka paykunata aynirka: ¿Imashnataya yuyarinkichi? ¿Ñuka kankunata winsishka romano runakunamanta kashpayni munankichichu kankuna kikinpa Atun Apuykichita wañuchichinaynipa? Chaypi saserdotekunapa apunkunaka aynirkakuna: Ñukanchipa mana tiyanchu ashwan atun apunchika, romano tukuymanta atun apuykimi ñukanchipapas atun apunchika.

Hechos 25:24

Pablota puntapi churashpankuna Festoka rimarka: Atun apu Agripa, tukuy ñukanchiwa pakta kahukkunapas, rikuychi kay runata. Jerusalenpi kawsak israel masinkuna, kay llaktapi kawsak israel masinkunapas yapakta piñarishpankuna wañuchiychi kay runata nishpa kaparirkakuna.

1 Tesalónika 2:16

Ñukanchi kankuna mana israel runakunamanta runakunata yachachinayashpanchi kankunapas kishpinaykichipa ñukanchita arkahunkuna. Chasna rurashpankuna tukuy uras uchankunata mirachishpa mirachishpa kawsanahun piñayta Yaya Diospa shunkunpi sumakta untachinankunakama. Chasna Yaya Dios atunta piñarishpan paykunata sinchita kastiganka.