Hechos 12:8 - Quechua Southern Pastaza

⁸ Chaypi angelka rimarka: Atariy, churarinaykita churariy. Sapatuykitapas churariy. Pedro chasna rurashpan angelka kuti rimarka: Awaniru churarinaykitapas churarishpayki katiway.

Hechos 12:8 ပူးပေါင်းရင်းမြစ်များ

Mateo 3:11

Kankuna millaypata rurashkaykichita amirishpa sakishpaykichika ñukaka yakullawami bawtisashkaykichi Yaya Diosta katinaykichipa. Ñukamanta ashwan yachayyu runami shamunka. Paymantaka ñukaka mana yapa yachayyuchu kani. Paypa puntanpi nima imata atipanichu rimanata. Payka kankunata Yaya Diospa Espiritunta kushpami shunkuykichita aliyachinka. Ninawa rupachihushkashina uchaykichita pichanka payta kushilla katinaykichipa.

Markus 6:9

Chakikichipi churarishkaykichillawa, shuk churarinata churarishkaykichillawa riychi. Ama ashwan shuk churarinaykichitaka apankichichu.

Lukas 12:37

Kushilla kankakuna maykankunatami patronka shamushpan payta chapashpa kahukkunata tarin. Alita uyawaychi. Paykunata tiyachinka, pay kikin alicharishpa paykunata karananpa.

Hechos 12:7

Chaypi Pedro puñushpa sirihushkanpi kunkaymanta Yaya Diospa angelka shamurka. Chay karsel kwartupi punchahlla rikurirka. Chaypina chay angelka Pedrota kushtillanpi tupachishpa likchachirka kasna nishpa: Pedro, utkalla atariy. Chasna rimashkanllapi Pedropa makinmanta kadenakunaka paskarishpan urmarkakuna.

Hechos 12:9

Chaypina Pedroka angelpa washanta katishpa llukshirka. Mana yacharkachu shutipa chay angelka payta llukshichihushkanta. Ashwan yuyarirka ¿musparihunichu imataya? nishpa.

Hechos 27:23

Ñukaka Yaya Diospa runan kashpayni payta kasushpa kawsashpayni kunan tuta Yaya Diospa shuk angelka ñukata rikurik shamushka.

Hechos 8:26

Chaywasha Yaya Diospa shuk angel Felipeta rimarka: Atarishpayki Jerusalenmanta urayma riy, Gasa llaktama rina ñampita. Chay ñampika chunlla chakishka allpa chawpita rin.