Hechos 10:14 - Quechua Southern Pastaza

¹⁴ Chasna rimashkata uyashpan Pedroka aynirka: A Yaya Dios, manami chaykunataka mikushanchu. Nima ima uras chasna millaypa aychakunata mikushkanichu.

Hechos 10:14 ပူးပေါင်းရင်းမြစ်များ

Mateo 15:11

Imata mikushpaykichipas manami uchata rurankichichu. Shunkuykichipi millaypata yuyarishkaykichita rimashpaykichimi shuti uchata rurankichi nishpa.

Mateo 16:22

Chayta uyashpankuna Pedroka Jesusta chaynikstuma pushashpan rimarka: Yaya Jesús, chaytaka ama rimaychu. Yaya Dioska manami munamachu chasna pasanaykipa nishpa.

Mateo 25:9

Chasna tapushpankuna chay pichka alita yuyarik shipaskunaka rimarkakuna: Kerosenchimanta kushpanchika ñukanchiraykupas pishinkami, tukuy lamparinchikunaka wañunka. Kerosenta munashpaykichika utkalla rantik riychi nishpa.

Mateo 8:2

Chasnallapi shuk aycha ismuchik unkuyyu runaka, nima pita kayllayanata atipashpantata Jesusta kayllayarka. Puntanpi kunkurishpan rimarka: Yaya Jesús, yachani ampinata atipawanaykita. Kanrayku ali kashpan kay unkuynimanta ampiway, ampirishpayni kuti atipanaynipa tantaylla kawsanata aylluynikunawa nishpa.

Markus 7:2

Paykunaka rikurkakuna Jesuspa shuk runankuna ñukanchi israel runakunapa shuk kamachishkakunata mana kasushkankunata. Paykunaka mana makinkunata suma chuya yakupi mayllarishpachu mikurkakuna.

Lukas 1:60

Mamanka mana munarkachu yayanpa shutinta shutiyachinata, chayrayku rimarka: Shutinka kankami Juan.

Juan 4:11

Chaypi chay warmika aynirka: Nima imawa yakuta wishinaykipa tiyanchu. Kay posopika ukupimi yakuka. ¿Maymantata yakuta kuwankima?

Hechos 10:13

Chasna rikuhushkanpi Pedroka Yaya Diospa kasna rimahushkanta uyarka: Pedro, atariy. Apishpa wañuchishpayki mikuy.

Hechos 10:28

Chasna rikushpan chay runakunata rimarka: Kankunaka ñami yachankichi, ñukanchi israel runakunata Moisespa kamachishkanka nin, shuk mana israel runakunata mana kayllayankichichu. Chasna kashpantata Yaya Dioska ñukata yachachiwashka nima maykan runata Yaya Diospa rikushkanpi manami alichu kanki nishpa yanka rimanaynipa.

Hechos 22:8

Chasna rimashkanta uyashpayni tapurkani: ¿Pitaya kanki, Señor? Chasna tapushpayni ayniwarka: Nasaretmanta Jesusmi kani, maykantami chiknishpa parisichihunki nishpa.

Hechos 9:5

Chasna tapuy tukushpan Sauloka aynirka: ¿Pitaya kanki? nishpa. Chaypi silumanta rimahukka aynirka: Parisichiwahushkayki Jesusmi kani.