1 Korinto 16:21 - Quechua Southern Pastaza

²¹ Ñuka Pablo kikin makiniwa kay saluduta killkashpayni kankunarayku kachahuni.

1 Korinto 16:21 ပူးပေါင်းရင်းမြစ်များ

Roma 16:22

Ñuka Tersio Pablopa rimashkanta killkak, chaymantapas Jesukristuta kirik kashpayni kankunata saludani.

Galasia 6:11

Rikuychi, ñuka kikin makiniwami atun letrakunawa killkashpa kay kartata tukuchihuni.

Kolosa 4:18

Ñuka kikin makiniwa killkashpaynimi kay saluduta kachahuni. Mana kunkariychichu karselpi kahushkaynita. Yaya Dios kankunata llakichishpan yanapachun. Chayllata killkashkanchi. Wawkikichikuna turikichikuna Pablo, Timoteo

2 Tesalónika 3:17

Kay tukurina parti ñuka Pablo kankunata saludani kikin makiniwa killkashpayni. Kasnami rikurin killkashkaynika. Chasna tukuy killkaynipi killkashpayni yachankichi ñuka killkashkaynita.

Filemón 1:19

Ñuka kayta kikin makiniwa killkahuni pagashkaykimi nishpa. Chasna rimashpaynipas ama kunkaychu kanta yachachishkaynirayku Jesukristuta katik tukushkaykita. Chasna kashpanmi kanka achkata liwiwahukshina kahunki.