ZAKKAARIYAASI 9:16 - Qullaawa Maxaafa

¹⁶ Hakku barri iillanno woyite, allaalaanchu ge'reewosi moyichuwiinni gatisannohu gede, Kaaliiqi mannasi gatisanno. Ayirrado ba'latto aana noo irri xawannohu gede, insano gobbasira heedhe hatto xabbanno.

ZAKKAARIYAASI 9:16 ပူးပေါင်းရင်းမြစ်များ

FAARSO 100:3

Kaaliiqi Magano ikkinota egenne; kalaqinonkehu isooti; ninkeno isireeti; ge'reewu gede asse allaalannonke mannasiiti.

FULO 28:21

Tonaa lamente Yaiqoobi ooso su'minni seekkine bonce borreessinoonniti 12 dilqu kinna malaate ikkite heedhona.

FULO 28:9

Lame dilqa kincho haadhe tonaa lamunku Yaiqoobi ooso su'ma aanaho borreessi;

ISAYAASI 40:10

Kune Wo'munkura Aliidihu Kaaliiqi, jawa wolqasinni gashshara daanno. Daanno woyite afanshanna, loonsoonnirira aannore haa're daanno.

ISAYAASI 54:12

Huxxikki guuto duumu dilqu kinchinni, huxxikki waalchuwa calallaqu dilqu kinchinni, gaangaawakkino gudise dilqu kinchinni huxxeemmo.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

ISAYAASI 60:3

Daga caabbichikkiwa, mootoollano soodimari xawaabbikkiwa dagganno.

ISAYAASI 62:3

Maganikki Kaaliiqira ayirrinyu ba'lattonna mootimmate worraaqqa ikkatta.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

ERMIYAASI 31:11

Ani Kaaliiqi manna'ya wodeemmo; wolqatenni gashshitannonsari angannino gatiseemmonsa.

HIZIQEELI 34:11

Mootichu Kaaliiqi, «Ani umi'ya ge'reewo'ya hasi'reemmo; seekke allaa'leemmo.

HIZIQEELI 34:12

Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

HIZIQEELI 34:31

Mootichu Kaaliiqi, «Ki'ne ge'reewi'ya, qanchi'ya hoshshaati. Ani Magano'neeti; ki'neno manna'yaati. Konne coye coyi'roommohu ani Mootichu Kaaliiqaati» yii.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

HAGE 2:23

Soqqamaancho'ya Zerubaabeeli! Hakko barra ani ate haa're ane su'minni gashsha dandaatto gede moohiseemmohe; ani ate dooroommohe; farrammannita roorrete cuuicho'yano woreemmohe» yaanno Olantote Mootichi Kaaliiqi.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

ZAKKAARIYAASI 8:23

Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

YOHAANNISI 10:27

Ge'reewi'ya huuro'ya macciishshanno; anino egennoommonsa; hoode'yano ha'ranno.