ZAKKAARIYAASI 9:11 - Qullaawa Maxaafa

¹¹ Ani Kaaliiqi, kakkalote mundeenni ki'ne ledo eoommo gondoori daafira, wayi nookki bale qafadonnite giddonni manna'ne haa're fushsheemmo.

ZAKKAARIYAASI 9:11 ပူးပေါင်းရင်းမြစ်များ

LAYINKI SAAMUEELI 13:13

Kuni coyi ikkiro mannu albira hiitto ikke fuleemma? Ate su'mino Israeelete mereero bowinoha ikkanno. Hatteentenni konne coye mootete kuli; isi ane atera diho'lannohena» yitusi.

LAYINKI DUDUWO 7:17

«Atino annikki Daawiti gede ammanamatenni soqqamittoero, seera'yanna woga'ya agadhite hajajo'ya wonshittoro,

IYYOOBI 33:30

Mannano reyotenni gatise, hagiidhanni hee'ranno gede assanno.

FAARSO 30:3

Kaaliiqa, lubbo'ya jeennaatu gaminni haa'rootto; waamma e"eemmokki gedeno gatisoottoe.

FAARSO 40:2

Fullannikki booninni, rirriwu giddonni fushshinoe; lekka'yano kinchu aana uurrisinoe; qaafo'yano suwisinoe.

FAARSO 69:33

Maganu gadadaammu huuccatto macciishshanno; usurame nooha mannasi sammi yee diaguranno.

FULO 24:8

Museno mundee haa're mannu aana wixanni, «Kaaliiqi ki'nera hajajo uyi'ne yannara eino gondoori mundee tenneeti» yii.

ISAYAASI 24:22

Mootoolla baala gamba asse, balete giddo usuranno; lowo barri gedensaanni qorichishannonsa.

ISAYAASI 42:22

Manna kayinni mulqi'nenna saamme, balete giddo cunfe agurroonni. Usuru mine beeshshine agurroonni; mulqi'ninsa; saamminsa; «Agurre» yaannohu mittuno dino.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 49:9

Atino usuranyoota, ‹Amme fultine hadhe!› Tunsichoho noore, ‹Xawaabbunniwa amme!› yaatto. Doogga baalate sagale ittanno; mullichu gaari aana intanni sagale afidhanno.

ISAYAASI 51:14

Usuranyootuno rahotenni tidhantanno; usurantino bale giddo heedhe direyitanno; ittanno sagaleno dihoogganno.

ISAYAASI 58:12

Ki'ne manni'ya diigaminore baala galagalchitine uurrissinanni; kunnira, ‹Huxxa galagalche huxxannohonna, diigantino minnano layinkimeeshsho minanno mannaati› yinanni'ne» yii.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ERMIYAASI 38:6

Hakkunni gedensaanni, ane haadhe massite, mootete mine nootera mootete beetti Malkiya bale wayinnite giddora siiwotenni usurte dirrissue. Balete giddono sabba ikkinnina wayi dino; anino sabbaho lixummo.

DAANIEELI 2:29

«Moote'ya! Ati goxxe heedhe kunni ka'a ikkanno coye heddanni nootto. Hatte yannara go'lino coye leellishanno Magani kunni ka'a ikkanno coye kulinohe.

MAATEWOOSI 26:28

Tini lowo manni cubbo agursiisate du'nantannoti haaru gondoori mundee'yaati.

MAARQOOSI 14:24

Yesuusi, «Lowo manni daafira du'nantannoti tini, gondooru mundee'yaati.

LUQAASI 16:24

Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

LUQAASI 22:20

Hurbaatu gedensaanni finiinchono kayise, «Kuni finiinchi ki'ne daafira du'nantanno mundee'yahu haaro gondoorooti.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

UMI QORONTOOSI 11:25

Hurbaatu gedensaanni finiincho haa're, «Kuni finiinchi mundee'yanni haaro gondoorooti; agginanni yanna baalate, kunninni ane qaagge» yii.

MARRO 5:31

Ati kayinni, ragidhara eemmonsa baattora agadhitanno gede rosiisattonsa hajajo, woganna seera baalanka eemmohe gede konne anewa agari› yiinoe.

IBIRAAWOOTA 10:2

Seeru guuta assa dandoommero, insa kakkalo shiqisha agurtanno. Magansi'rate shiqanno manni layinkimeeshsho lendannikki garinni cubbunni keeraa'manno daafira, cubbu nookkita tiiunni afanno.

IBIRAAWOOTA 10:29

Maganu Beetto mishinohu, keereensitinosita gondooru mundee battete gede asse kiirinohura, eltote Ayyaana xoninohura, mageeshshi geeshsha roore qoricha adha ikka!

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

YOHAANNIS AJUUJA 20:3

Kumu diri goofa geeshsha manna so'risiisannokki gede, sokkaasinchu dhudhuufa diimete giddo tuge, cufe malaate aanaho wori. Kumu diri gedensaanni shiima yannara tidhama hasiissannosi.