ZAKKAARIYAASI 8:8 - Qullaawa Maxaafa

⁸ Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

ZAKKAARIYAASI 8:8 ပူးပေါင်းရင်းမြစ်များ

KALAQAMA 17:8

Wosinchimma hee'rattota Kana"aani Gobba baala, geedote ikkitanno gede ateranna ate gedensaanni sirchikkira eemmo; insarano Maganonsa ikkeemmo» yiisi.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 30:22

Ki'neno manna'ya ikkitinannie; anino Magano'ne ikkeemmo. Konne coye coyi'roommohu ani Kaaliiqaati» yii.

ERMIYAASI 31:1

Kaaliiqi, «Israeelete ga're baalate Maganonsa ikkeemmotinna insano manna'ya ikkitanno yanna dagganno.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HIZIQEELI 36:28

Hakkunni gedensaanni, akaakka'nera oommo baattora heedhinanni. Ani Magano'ne ikkeemmo; ki'neno manna'ya ikkitinanni.

HIZIQEELI 36:33

Mootichu Kaaliiqi, «Ani cubbi'ne baalunkunni keereenseemmo'ne yannara, diigaminoha baala mintine, galagaltine katamma'nera heedhinanni gede asseemmo.

HIZIQEELI 37:25

Soqqamaanchi'ya Yaiqoobira oommositeranna akaakkansa heedhino baattora heedhanno; insanna oosonsa, sirchinsa baalu hatte gobbara hegere geeshsha heedhanno. Soqqamaanchi'ya Daawiti gedee moote hegere geeshsha gashshannonsa.

HIZIQEELI 37:27

Anino hakkiicho insa ledo hee'reemmo. Ani Maganonsa ikkeemmo; insano manna'ya ikkitanno.

HOOSEI 11:11

Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.

IYUEELI 3:20

Xaa geeshsha rabba qolummonsakkinni keeshshoommori daafira, beebba assitannore rabbiseemmo. Yihudanna Yerusaalame kayinni, hegerera manni'ya hee'rannowa asseemmo. Ani Kaaliiqino Tsiyooni Ilaali aana hee'reemmo» yaanno.

LEEWAAWOOTA 26:12

Mereero'ne hee'reemmo; Magano'ne ikkeemmo; ki'neno manna'ya ikkitinanni.

ZAKKAARIYAASI 10:10

Gibitsete gobbanni qoleemmonsa; Asoorinni gamba asseemmonsa. Gobbansara mannu bati'ranno daafira, Geleaadinna Libaanoosi gobbara heedhanno gede asseemmonsa.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.