ZAKKAARIYAASI 8:3 - Qullaawa Maxaafa

³ Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

ZAKKAARIYAASI 8:3 ပူးပေါင်းရင်းမြစ်များ

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 48:1

Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

FULO 29:45

Israeelete manni mereero hee'reemmo; insarano Maganonsa ikkeemmo.

ISAYAASI 1:21

Ammanamino katami hiitto foora mancho gedeeha ikki! Albaanni halaalu wo'minohonna keeraano heedhannowaati; xa kayinni manna shitannori giddo wo'mitinoha ikkino.

ISAYAASI 1:26

Yerusaalame, albiri gedee gashshaanonna amaalaasine kayiseemmohe. Hakkunni gedensaanni, ‹Keeraanchoho; ammanama noosi katamaati› yinannihe» yii.

ISAYAASI 11:9

Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 32:16

Hakkiicho halaalunna taashsha, darga amaddanno.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

ISAYAASI 65:25

Hiyyeeyyenna ge'reewu wilii'li mitteenni hosanno; doobbiichuno handu gede galawa itanno. Hamashshu bukolla laaxanno; insa Qullaawu Ilaali'yara Tsiyooni, digawajjitanno; mittoreno dihuntanno» yii.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ISAYAASI 8:18

Kuneeti, Tsiyooni Ilaalira hee'rannohu Olantote Mootichi Kaaliiqi, anenna uyinoe ooso Israeelete malaatenna qorophishiishsha asse soyinonke» yii.

ERMIYAASI 14:9

Gara hawino manchi gedenna, kaa'lara dandaannokki olamaanchi gede mayira ikkitto? Kaaliiqa! Ati ledonke noottona, ninkeno mannakkiitina agurtootinke.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 31:23

Israeelete Magani Olantote Mootichi Kaaliiqi, «Manna'ya gobbansa qoleemmo waro Yihudahonna katammansara hee'ranno manni, ‹Kaaliiqi hee'rannohu Qullaawu Ilaali maassamo› yaanno» yii.

ERMIYAASI 33:16

Hatte yannara Yihudu gatanno; Yerusaalameno fooliishshidhe keere heedhanno; katamu su'mano, ‹Kaaliiqi Keeraanchimmankeeti› yinanni.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

ZAKKAARIYAASI 1:16

Kunnira, Yerusaalamete Katama maarammora galagale dayemmo; Qullaawu Mini'yanna katamu gatamaramanno› yiino yite lallawi» yiie.

ZAKKAARIYAASI 12:6

«Hatte yannara, Yihudu gashshaano dubboho qansoonnitenna iillino gide ittanno giira gedeere asseemmonsa; gaangaawinsara noo gashshoote baala guddanno; Yerusaalamete manni kayinni, katamu giddo keere hee'ranno.

ZAKKAARIYAASI 14:10

Aliyye Geeba Kataminni kayise, Yerusaalamete wodiidi widoonni hige Remooni Katami geeshsha noo gobba taalo ikkitanno. Yerusaalame gaangaawisera noo gobbara iimaanni higge leeltanno; katamuno Biiniyaami xullichinni kayise, bashsho albi xullichi, xa maddete xullichooti yinannihu geeshsha, hattono Hanaanieeli shae huxxunnitenni kayise, mootete mini woyine huuncinanni dargi geeshsha iillitanno.

ZAKKAARIYAASI 8:16

Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.

ZAKKAARIYAASI 8:19

«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 14:23

Yesuusino, «Baxannoehu qaale'ya wonshanno. Anni'yano baxannosi; lamunku dange ledosi hee'neemmo.

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

QOLASIYAASI SOKKA 2:9

Maganimmate wo'milli baalu Kiristoosi manninati giddo leelle hee'ranno.

YOHAANNIS AJUUJA 21:10

Isi Ayyaanunni seeda lowo ilaala haa're masse"e, qullaawu katami Yerusaalame gordunni Maganuwiinni dirritanna leellishie.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.