16 Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.
Hakko hee'rannohu, suwashsho doogo ha'rannoho; halaale loosannoho, wodanisinni halaale coyi'rannoho.
Kaaliiqi ille keeraano towattanno; maccasino raarensa macciishshitanno.
Halaalaanchu manchi afinore coyi'ranno; kapho naqqasannohu beebba coyi'ranno.
Kaphu shiima yannalla keeshshanno; halaalu kayinni hegerera hee'ranno.
Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.
«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.
Woxesi qallote diliqiissanno; woy mitte bunsheno diassanno; giwantinore araarsate halaale coyi'ranno.
Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.
« ‹Moortinoonte; kaphitinoonte; mimmito'ne dogginoonte.
Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.
Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.
Mereero'ne noore buxane gadadissino. Wo'munku kapho coyidhinannireeti.
Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.
Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.
«Ani Olantote Mootichi Kaaliiqi manni'yara albaanni oommo hajajo, ‹Taashshitine coyidhe; ki'ne ki'nenee mararre; mimmiti'nera shooshaqqe.
«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.
Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.
Araarsitannori ba'raadhinoreeti; Maganu oosooti yinanninsana.
Kunnira, tidhitinokki hedori Maganiweello gosa heedhanno garinni heedhinannikki gede, seekke kuleemmo'ne; Mootichu su'minni seejjeemmo'ne.
Kunnira, kapho fushshitine tugge. Ninke mimmitinke ledo mitto biso ikkinoommo daafira, mimmitinkera halaale coyi'no.
Kunni coyinni ayino so'roonke; wole ammanaanono miicoonke. Kunni albaanni kullummo'nenna qorophisiinsummo'nente gede, hattoo coye assitannore Mootichu qorichishanno.
Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.