ZAKKAARIYAASI 8:13 - Qullaawa Maxaafa

¹³ Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.

ZAKKAARIYAASI 8:13 ပူးပေါင်းရင်းမြစ်များ

KALAQAMA 26:4

Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

FAARSO 44:16

Togo ikkeemmohu baarigaarra'yanna ko'mitinoeri, xontannoenna ceeggifattannoe yannaraati.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 79:4

Mulenke noo gosano xontinonke; gaangaawinkera heedhannori oso'litinonke; qacifattinonke.

ISAYAASI 43:28

Kunnira Qullaawu Mini roorrootita battensa reqecci asseemmo; Israeele Yaiqoobi sirchi shollanno gedenna, gudisame goofanno gede assoommo» yii.

ERMIYAASI 24:9

Billaallisoommonsa gobbara gimbannire, xonnannire, cee'minannire, maammaankannire, qacifantannirenna rummannire asseemmonsa.

ERMIYAASI 25:18

Yerusaalametenna Yihudu katamma manni, mootoollanna ledonsa gashshaano kunni finiinchinni agganno gede assinoonni. Kunninni kainohunni, tini gobba la"ate lowo geeshsha waajjishshannota mullicho, xononnitanna rumonnita ikkitanno. Techo geeshshano hatto yine woshshinanni.

ERMIYAASI 26:6

Yoommota ikkitinannikkiha ikkiro, konne mine Seelo assummo gede asseenna konne katamano baattote aana noo gosa baala rumonniha assite kiirtanno» yii.

ERMIYAASI 29:18

Bagadunni, hudetenninna dhibbunni shorreemmonsa; daga baala la'e bararraaqqanno. Insa billaallisoommo gobbara noo manni baalu, ‹Insa gede ikke› yee rumanno; bararraaqanno; diqatannonna afoo cu'mi'ranno.

ERMIYAASI 33:24

«Mannu, ‹Kaaliiqi doorinonsare lamenka mine Israeelenna Yihuda agurinonsa; gosate gede dikiirrannireeti› yee manna'ya mishinota diafootto?

ERMIYAASI 42:18

«Ani Israeelete Magani Olantote Mootichi Kaaliiqi ki'nera kuleemmo coyi, ‹Gibitsete gobba ha'ne hakkiicho hee'neemmo› yitiniro, kunni albaanni Yerusaalamete manni aana abboommo hanqonna aara ki'ne aanano abbeemmo. Mannu ki'ne aana ikkino coye lae masanno; la"anno'nehu baalu qacifatanno'ne; su'mi'neno rumonniha ikkanno. Konne darga layinkimeeshsho dila'inanni yoommo» yiinonsa.

ERMIYAASI 44:12

Gibitsete hee'ra doodhitine hadhinoonnire Yihudu taraare tayiseemmo. Aju akkali gattinikkinni baalanka Gibitsete baattora hudenna bagadu gudanno'ne. Macciishshanno manni masanno; ajiiffantannire ikkitine su'ma'neno rumonniha assidhinoonni.

ERMIYAASI 44:22

Kaaliiqi assitinoonni bunshe baala lae sammi yaa didandiino. Isenkura baatto'ne mannu hee'rannokkita ona ikkitino. Baatto'ne shagaggi'nannitanna su'mi'neno rumonniha ikkinohu kunniraati.

ERMIYAASI QURTO 4:15

Kunnira mannu, «Ki'ne battaabbinoonniri! Kissinoonte! Ho'le kawiinni» yaanni cancanno. Mannu haa'ra giweennansa raataabbanni, gobbatenni gobba sa'anno.

HIZIQEELI 34:26

«Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

HIZIQEELI 37:11

Kaaliiqi, «Koo manchi beetto, Israeelete manni tenne miqqa gedeehowe. Insa, ‹Kune miqqanke mooltino; kunni ka'ira noonke kaayyo ba'eenna hexxo nookkire ikkinoommo› yitanno.

HIZIQEELI 5:15

Hanqi'yanninna aari'yanni qorichisheemmo'ne yannara, qooxeessi'nera noo daga xontanni haariintanno'ne. Assoommo coyinni insano masse huxidhanno.

DAANIEELI 9:11

Israeelootu baalunku seerakki diiggino; coyi'roottore baala macciishsha gibbino; ate aana sao assinoommohura soqqamaanchikki Muse seerira borreessinoonni rumo baala ninke aanira abbootto.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

SOFFOONIYAASI 3:16

Hatte yannara wole gosa ate Yerusaalame, «Tsiyooni Katama, waajjitooti! Wolqakkino daaqqoonke.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

HAGE 2:19

Xa wixaho ikkanno gidi gootaraho hoogiro nafa, woyinenna balase, roomaanenna ejersu guma aa hoogirono, kunni barrinni kayise maassi'reemmo'ne» yii.

HAGE 2:5

Gibitsete gobbanni fultini waro, ‹Ledo'ne noommo› yuummo qaali garinni xaano Ayyaani'ya ledo'ne noona jawaatte! Waajjitinoonte» yee kulinsa.

ZAKKAARIYAASI 1:19

Ledo'ya hasaawanni noo sokkaasincho, «Tini buudda mayinnite?» yee xa'mummo. Isino, «Tini buudda Yihudu, Israeeletenna Yerusaalamete manni billaallanno gede assituri wolqaataamma gosaati» yiie.

ZAKKAARIYAASI 14:11

Yerusaalamete manni, yaaddo nookkiha teese hee'ranno; kunni ka'a bao diamaddannonsa; mannuno yaaddo nookkiha keerunni hee'ranno.

ZAKKAARIYAASI 8:15

Xa kayinni, Yerusaalametenna Yihudu manna maassi'rammora murci'roommo; kunnira, waajjitinoonte!

ZAKKAARIYAASI 8:9

Olantote Mootichi Kaaliiqi, «Qullaawu Maganu Mine layinkimeeshsho minate sanfanni yannara, himanaano coyidhinore macciishshitiniri baalunku jawaatte! Waajjitinoonte!

ZAKKAARIYAASI 9:13

Yihuda digaanu gede, Israeeleno worbichu gede asse horoonsi'reemmo. Giriikete bagadaano qasammora, Tsiyooni bagadaano bisete gede asse soyemmo.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

GALATIYU SOKKA 3:14

Kuni ikkinohu, Maganu Abirihaamira uyino maasso Kiristoosi Yesuusi widoonni dagate iillitanno gedeetinna Maganu aara coyi'rinoha Qullaawa Ayyaana amma'natenni adhineemmo gedeeti.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.

MARRO 28:37

Kaaliiqi baatto baalate billaalliseenna'ne heedhinanni yannara, hatte gobbara heedhanno gosa ki'ne aana iillino coye baala la'e bararraaqqannno. Ki'neno arrassitanno'ne; qacifattanno'ne.