ZAKKAARIYAASI 8:12 - Qullaawa Maxaafa

¹² Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

ZAKKAARIYAASI 8:12 ပူးပေါင်းရင်းမြစ်များ

KALAQAMA 26:12

Yisihaaqi hattenne gobbara jajja loosi'ri; Kaaliiqi maassi'rinosi daafira, hakko dironni 100 ero afi'ri.

KALAQAMA 27:28

Kaaliiqi gordunni qufisanno loja oohe; baattokkino shaqqishohe; gidekkinna haaro woyinete xajjekki batisohe.

UMI MOOTOOLLA 17:1

Geleaadi gobbara Tishibi yinanniwa ilaminohu himanaanchu Eeliyaasi Akiaabira, «Soqqameemmosihu Israeelete Magani Kaaliiqi afanna, ani coyi'reenna ikka geeshsha 2 woy 3 diri geeshsha baattote aana loju woy xeenu dihee'ranno» yiisi.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FAARSO 85:12

Kaaliiqino danchare aanno; baattonkeno dancha guma laashshitanno.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

ISAYAASI 30:23

Wixidhinanni jajja lossa'neranna lowo gide laashsha'nera Kaaliiqi xeena dirrisanno'ne; saada'ne hossannota hala'lado hayisso gobba aanno'ne.

ISAYAASI 61:7

Saali'nenna shollinyi'ne hakko gawa'leenna, umi'ne gobbara heedhinanni. Jiro'ne lame ero ikkitanno; hagiirri'neno hegereha ikkanno.

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

HIZIQEELI 34:28

Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

HIZIQEELI 36:12

Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

HIZIQEELI 36:30

Haqqe'ne laalonna gati'ne gidi bati'ranno gede asseemmo. Hakkunni gedensaanni dagate mereero hudete shollinyi diamaddanno'ne.

HIZIQEELI 36:9

Ki'ne daafira xissiisi'reemmo; danchummatennino towateemmo'ne; loonse aana'ne wixa winxanni.

HOOSEI 13:3

Kunninni kainohunni insa guto guunjo gede ikkite ba'anno; soodo loji gede ikkite giggiltanno. Ayiddummete aaninni hombobolatte fiite kayissanno kuri gede woy minu giddoonni higge fulte gooffanno wiliile gede ikkitanno.

HOOSEI 14:5

Israeelete mannira xeenu gede ikkeemmonsa. Insano daraarchu gede biiffanno; Libaanoosi daguwi gede rumuxxitanno.

IYUEELI 2:19

Kunni daafira Maganu, «Kuneeti gide, haaro woyinete xajjenna ejersu zayite, duubbina geeshsha eemmo'ne. Kunni ka'a daga arrassitanno gede diasseemmo'ne.

IYUEELI 2:22

Ki'ne uullate aani saadano waajjitinoonte; hossinanni qanchuwano lattino. Haqqeno laaltino; balasenna woyinete laalono lowo geeshsha hala'litino.

LEEWAAWOOTA 26:3

«Woga'ya garinni heedhiniro, hajajo'yano seekkitine agadhitiniro,

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

HAGE 1:10

Xeenu dirra giwinohunna baattono gide fushsha gibbinohu kunniraati.

HAGE 2:18

Kuneeti honsikki agani einkunni techo 24 barra ikkino; Qullaawa Mine sanfihunni kunni barrinni kayise daannore baala wodanchitine la'e.

HAGE 2:19

Xa wixaho ikkanno gidi gootaraho hoogiro nafa, woyinenna balase, roomaanenna ejersu guma aa hoogirono, kunni barrinni kayise maassi'reemmo'ne» yii.

ZAKKAARIYAASI 8:6

Olantote Mootichi Kaaliiqi, «Kuni, qafadotenni gate higara noo mannira dandaamannokkiha lawansara dandaanno; anera kayinni dandaamannokkiha di"ikkino.

MILKIYAASI 3:11

Gidi'ne aaninni sixa hooleemmo. Woyine'ne laalo dixe'anno. Konne coye coyi'roommohu ani Olantote Mootichi Kaaliiqaati.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

UMI QORONTOOSI 3:21

Kunnira, ayino manna adawadhoonke. Baalunkuri ki'neho.

MARRO 32:2

Rosi'ya xeenu gede ikke dirro; qaali'yano loju gede ikke dirro. Mudhino hayisso aana shoru gede ikke, kaashshu aanano ga'labbichu xeeni gede ikke dirro.

MARRO 33:13

Yooseefi ilamara, «Kaaliiqi baatto'ne xeenunni duushsho; qoleno baattote giddonni waa burqiso'ne.

MARRO 33:28

Kunni daafira, gordunni loju dirranno baattora, gidunna haaro woyinete xajje wo'mitinowa, hawaqi're keerunni Yaiqoobi sirchi callu hee'ranno.

YAIQOOBI 3:18

Keere baxxannori, keere wixidhe keeraanchimmate guma gamba assidhanno.