ZAKKAARIYAASI 7:5 - Qullaawa Maxaafa

⁵ «Saihu 70 diri giddo diru eihunni ontikkinna lamalki aganira ittukkinni galte hossanni wi'litinohu ane ayirrasate ikkinokkita mannahonna qeesootaho kulinsa;

ZAKKAARIYAASI 7:5 ပူးပေါင်းရင်းမြစ်များ

LAYINKI MOOTOOLLA 25:23

Anga uyitinokkiri olu hajajaanonna olanto konne coye macciishshite Mitsipha noohuwa Gedaaliyawa hadhu. Hadhinori olu hajajaano: Naataaniya beetti Ismaeeli, Qaareha beetti Yohanaani, Nexofa Katami manchi Tanihumeeti beetti Seerayanna Maaka ilaminohu Yaizaaniyaati.

LAYINKI MOOTOOLLA 25:25

Ikkollana kayinni hakko dironni lamalki aganira mootete fiixa ikkinohu Elishamai beetti Naataaniya ilinohu Ismaeeli 10 manna anga adhe Mitsipha mare Gedaaliya shii. Gedaaliya ledo noore Yihudunna Baabilooni mannano shee gudi.

ISAYAASI 43:23

Shilqote kakkalora ge'reewo diabbitinoonnie; kakkalo'nennino diayirrissinoonnie. Anino, ‹Gidu fushshaate uuyye"e› yee diqarrisoommo'ne; ‹Hixaana giirre"e› yaanni dicaacceessoommo'ne.

ISAYAASI 58:3

Mannuno, «Kune ninke ita aga agurroommo; ati kayinni dilaoottonke. Ati la"attokkiha ikkiro, mannimmanke mayira shotinseemmoyya?» yaanno. Kaaliiqi qole, «Ita aga agurtinanni yannara, wodani'ne halcho wonshitinanni; soqqamaano'neno gadadissinanni.

ERMIYAASI 25:11

Baatto gudisante mullichonna ona ikkitanno; ki'neno ollii'neno 70 diro Baabilooni mootera soqqantinanni.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

ERMIYAASI 52:12

Nabukadanatsoori moohihunni tonaa honsikki diro ontikki aganira tonnikki barra, mootete mini agaraasine roorrichi Nabuzardaani Yerusaalame ei.

DAANIEELI 9:2

Moohihunni umi diro ani Daanieeli qullaawa maxaaffa la"anni hee're, Kaaliiqi himanaanchu Ermiyaasira kulino garinni Yerusaalame diigante keeshshitannohure 70 dirire hedoommo.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

ZAKKAARIYAASI 1:12

Sokkaasinchuno, «Olantote Mooticha Kaaliiqa'ya! Yerusaalametenna Yihudu katamma baalantera hanqittonkunni kuneeti xa 70 dirooti; maarattonsara kunni ka'a mageeshshi yanna gattino?» yee xa'mi.

ZAKKAARIYAASI 7:3

Qolteno qeesootanna himanaano, «Lowo dirinni kayinse xaa geeshsha assinummonte gede, diru eihunni ontikki ontikki aganira itanna aga agurre Qullaawu Mini daafira wi'linollani?» yite xa'mitona.

ZAKKAARIYAASI 7:4

Hakkunni gedensaanni, anewa dagginoti Olantote Mootichi Kaaliiqi sokka,

ZAKKAARIYAASI 7:6

ittanninna agganni heedhinohuno uminsaraati» yitannote.

ZAKKAARIYAASI 8:19

«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

MAATEWOOSI 6:16

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino.

MAATEWOOSI 6:2

«Kunnira qarrantinorira uyitinanni woyite mannu la"ansara yite xaadu minenna dooggate uyitanno lawisiisaano gede leellamate yitine assitinoonte. Halaale kuleemmo'nena, hatto assitannori loosinsa guma adhite ka'ino.

MAATEWOOSI 6:5

Yesuusi lede, «Huuccidhinanni woyite, leellamate yite huuccidhannori gede ikkitinoonte. Insa mannu la"ansara yite xaadu minenna dooggate maddera uurrite huucci'ra baxxanno. Halaale kuleemmo'nena, insa balaxxe loosinsa guma adhite ka'ino.

UMI QORONTOOSI 10:31

Ittinanniha woy agginanniha ikkiro woy aye coyeno assitinanniha ikkiro baalankare Maganu ayirrinyira asse.

LAYINKI QORONTOOSI 5:15

Lubbotenni noori, insa daafira yee ree, reyotenni kainohu daafira ikkinnina insaneete heedhannokki gede isi baalunkura yee reyino.

QOLASIYAASI SOKKA 3:23

Assitinannire baala mannaho ikkikkinni Mootichu Yesuusira assitinannihu gede taalu wodaninni asse.