ZAKKAARIYAASI 7:14 - Qullaawa Maxaafa

¹⁴ Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

ZAKKAARIYAASI 7:14 ပူးပေါင်းရင်းမြစ်များ

LAYINKI DUDUWO 36:21

Kaaliiqi himanaanchu Ermiyaasi widoonni qole coyi'rino garinni, Fooliishshote Barra ayirrisa gibbino daafira baatto 70 diro hoxxe ikkite, fooliishshidhanno yanna afidhanno.

FAARSO 58:9

Affukkinni utu gede muranto; Maganu jawaatu hanqisinni lubbotenni heedheennanni billaallisonsa.

ISAYAASI 17:13

Gosa foonchu wayi gede luulturo nafa, Kaaliiqi rufannonsa woyite ilaalu aana billaallinsoonni galawi gedenna hombobolatte kayissino buko gede ikkitanno.

ISAYAASI 21:1

Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ISAYAASI 60:15

«Kunni albaanni gimbeennahenna minsheennahe, mulekkiinni hige sa"annohu nafa nookkiha hee'rootta. Xa kayinni ilama baala hegerera hexxitannohetanna, hagiidhitannoheta asseemmohe.

ISAYAASI 66:15

Kune Kaaliiqi wolqaataamu hanqisinni baarigaarrasi rabbisi'raranna, wala yitanno giiranni rufara daanno; faradi gaaresino hombobolattete gede buubbanno.

ERMIYAASI 12:10

Lowoti wole gobba gashshaano, woyinete kaashshiha darga'ya huntino; loosi'reemmo dargano kakkadde huntino; dancha gate'ya mullicho darga assitino.

ERMIYAASI 23:19

Kune hanqi'yanni, hombobolattete gede ikke kae, bushuulle ganeemmo.

ERMIYAASI 30:23

Kaaliiqi hanqi bubbetenna, hombobolattete gede diiddo ga'nanni, bushuullu umi aana dirranno.

ERMIYAASI 36:19

Gashshaanono Baarooki, «Atinna Ermiyaasi hadhine maaxamme; heedhinoonniwa ayerano kultinoonte» yitusi.

ERMIYAASI 44:6

Kunni daafira, Yihudu katammaranna Yerusaalamete dooggara hanqo'yanna aara'ya dirrise giirantanno gede assoommo. Kune techo la'inanninte gede diigante mulla darga ikkite gattino.

ERMIYAASI 5:15

Qoleno, «Israeelete manna! Kuneeti ki'ne aana bala tugganno daga, fafo gobbanni abbeemmo. Tini dagano wolqaataame bi're albi dagaati; afoonsano diegentinoonnireeti; coyidhannoreno diaffinanni.

ERMIYAASI 52:30

qoleno moohihunni lemiina sayikki diro, 745 manna Nabuzardaani qafade haa're ha'rino. Qafande haa'ne ha'noonni manni kiiro mitteenni 4,600.

HIZIQEELI 12:19

Tini ajuujano xa gobbansara heedhannorira Yerusaalamete mannira, Mootichu Kaaliiqi leellishinota ikkitino gede manna baalaho kuli. Insano ittanno woyite massanno; agganno woyiteno qece yite huxidhanno. Hakko hee'rannohu baalu seerimale ikkinohura baattonsa mulqantanno.

HIZIQEELI 22:15

Mannakki gobba baalatenna gosa baalate mereero billaalliseemmo; bushu loosikki hakko gawa'lanno.

HIZIQEELI 5:10

Kunni daafira, Yerusaalamete noo annuwinna amuuwi oosonsa ittanno. Oosonsano qolte annuwansanna amuuwansa ittanno. Kunni garinni ki'ne baalanka qorichisheemmo; gattinoreno shoolenta faro qole billaalliseemmo.

DAANIEELI 8:9

Tenne shoolente buudda giddo mittichu aana wolu shiimu buudi fuli; kunni shiimu buudi wolqa wodiidira soojjaatiranna dancha hexxote gobba widira higge hala'litu.

HOOSEI 9:17

Isira hajajantinokki daafira, Magani'ya wigidiide tugannonsa; insano dagate mereero raataabbanni heedhanno.

IYUEELI 2:3

Albansaanni giira bubbanno; badhensaanni buwanu wala yaanno. Albansaanni baatto Edeni dargi gedeete; badhensaanni noo baatto moola halallitte gobbaati; insa giddonni gate fulannohu dino.

LEEWAAWOOTA 26:22

Dubbu moyicho soyenna ooso'ne itanno; saada'neno gudanno; kiiro'ne ajjanno; doogga'neno ontanno.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

AMOOTSI 1:14

Kunnira Raaba Katami huxxira giira qaseemmo; qiishonsano giireemmo. Kunni gedensaanni olu barra raarenna cancu bati'ranno. Oluno hombobolattete gede rahanno.

NAHOOMI 1:3

Wolqasi jawa ikkituro nafa, Kaaliiqi hanqoho dimuddamanno. Ikkollana sao assinoha qorichishikkinni diaguranno. Kaaliiqira hombobolattete bubbenna, dambalu mereero nafa doogo noosi. Gomichuno Kaaliiqi qaafanno woyite ka'anno bukooti.

IMBAAQOOMI 3:14

Olanto hombobalattete gede billaallissankera, wolqa hooginoha runkutte amadde hagiidhitara daggu yannara, olantote hajajaanchi umo urdesinni qasootto.

SOFFOONIYAASI 3:6

Kaaliiqi, «Dagate gashshoote hunoommo; qiishonsano diigoommo; katammansano gudoommo. Katammansa mitturino hee'rannokkita ona ikkitinohura doogonsa ha'rannohu dihee'ranno.

ZAKKAARIYAASI 2:6

Kaaliiqi mannisira, «Ki'ne base baalate billaalliseenna'ne wole gobbara qafadantine heedhinoonniri, xa ka'ine Baabilooninni rahotenni xooqqine fultine Yerusaalame higge.

ZAKKAARIYAASI 8:1

Olantote Mootichi Kaaliiqi Zakkaariyaasira,

ZAKKAARIYAASI 9:14

Kaaliiqi mannaho aleenni hige leellanno; digaanu worbichono banqote gede asse olanno. Mootichu Kaaliiqi buudu xurumba ufuufanno; Wodiidi hombobolatte gede asse diina gawajjanno.

MARRO 28:33

Baatto'ne laalchonna daafuro'ne baalanka affinoonnikki gosa ittanno. Mararro nookkiha gadadantine heedhinannita ikkinnina lexxitinanniri dihee'ranno.

MARRO 28:49

«Kaaliiqi qaalensa egentinoonnikki gosa, baattote qaccenni allamurchu gede buuwise abbe aana'ne dirrisanno.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.