ZAKKAARIYAASI 7:11 - Qullaawa Maxaafa

¹¹ «Manni'ya kayinni, mokkookke badhe wodhe yoommota macciishsha giwino;

ZAKKAARIYAASI 7:11 ပူးပေါင်းရင်းမြစ်များ

LAYINKI DUDUWO 33:10

Kaaliiqi Minaasenna mannasi qorophisiisino. Insa kayinni dimacciishshitino.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

NEHIMIYA 9:29

Seerikkiwa higganno gede qorophisiisoottonsa; seerakki agadha heeshshote doogo ikkituro nafa, insa kayinni, boo'natenninna haxawarrimmatenni seerakki wigidiidde tuggino. Atera badhe wodhite, wodanansano mokkookkisse macciishsha gibbinohe.

FULO 10:3

Kunnira Muse Aarooni ledo Feriooniwa mare, «Ibiraawootu Magani Kaaliiqi, ‹Anera heeshshi yaattokkihu mamooti geeshshaati? Manni'ya magansi'rannoe gede ha'rona aguri;

ISAYAASI 28:12

Isi, «Wo'ma fooliishshonna harshammo eemmo'ne» yiino. Ki'ne kayinni isi yiinota dimacciishshitinoonni.

ISAYAASI 46:12

«Ki'ne keeraanchimmatewiinni xeertidhinoonniri, hettisamaano macciishshe!

ISAYAASI 6:10

Ati marte la'annokki gede, macciishshitannokki gedenna huwattannokki gede assi. Qolteno illensanni la'e, maccansanni macciishshite, wodaninsanni wodanchite anewa higge hurtannokki gede, wodanansa dillaawinoha, maccansa beebbinota, illensano tunsitinota assi» yii.

ISAYAASI 65:12

Woshsheenna, ‹Yee› yaa gibbine, coyi'reennano macciishsha gibbine, anera hajajama gibbine, bunshe assa doodhitinoonni daafira, jaddote reyo reyitinanni gede asseemmo'ne» yii.

ERMIYAASI 11:10

Yoommore gibbu akaakkansa gede insano cubbo loossino; allagga maganna magansidhino. Israeeletenna Yihudu mannino akaakkansa ledo eoommo gondooro diigino.

ERMIYAASI 13:10

Tini busha gosa yoommota gibbannori, haxo mokkookkitinori, wole maganna magansi'rate hoodensa hadhannori tenne uddano gede mitturirano kaa'litannokkire ikkitanno.

ERMIYAASI 17:23

Akaakka'ne kayinni yoommota dimacciishshitino; maccansano diqoltino. Haxo mokkookkite macciishshanna yoommo gede ikka gibbino.

ERMIYAASI 17:27

Fooliishshote Barra mitore dukkine Yerusaalamete waalchuwa widoonni higgine sa'inanni qullaawa assitine agara giwatenni yoommore huntiniro kayinni, Yerusaalamete waalchuwara xo'annokki giira soyemmo. Yerusaalamenniti gashshootu minna giirantanno; xoyissannohuno dihee'ranno› yoommo» yii.

ERMIYAASI 19:15

«Israeelete Magani Olantote Mootichi, ani yeemmore macciishsha giwate haxo mokkookkitinona, ‹Kunni katamiranna qooxeessisira noo katammara, dagganno yee kuloommo bao abbeemmo› yiino» yoommo.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 36:31

Cubbi'ne daafira ate, sirchokkinna ledokki gashshaano qorichisheemmo. Ani yoommota macciishsha gibbinoonni daafira, ki'nera, Yerusaalametenna Yihudaho hee'ranno manni baalaho hedoommo bao haa're abbeemmo› yiino yite kulisi» yiie.

ERMIYAASI 42:21

Kune techo ani Kaaliiqi yiinore kuloommo'ne; ki'ne kayinni dimacciishshitinoonni.

ERMIYAASI 44:16

«Kaaliiqi su'minni kuloottonke coye baala dimacciishshineemmo.

ERMIYAASI 5:21

‹Gowwootunna balalootu, hanni wodanche! Ille heedheennanni affinannikkiri, macca heedheennanni macciishshitinannikkiri, konne coye macciishshe› yite kuli.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

ERMIYAASI 7:26

Ikkollana macciishshinohunna wodana assinohu dino. Saimanka harrichu gede haxo mokkookkitine hettisantinannire ikkitinoonni.

ERMIYAASI 8:5

Ki'ne manni'ya wo'manka woyite anewa higa gibbine, mayira faffinanniyya? Kaphunnita maganna'ne huntine, anewa mayira higa gibbinanni?

HIZIQEELI 14:5

Hakkuri kaphu maganna Israeele anewiinni faffanno gede assitino. Kayinnilla, xa qoleemmonsa dawaronni anewa higgannoha ikkanno.

HIZIQEELI 3:7

Israeelete manni giddo kayinni, macciishshannohehu mittu nafa dihee'ranno. Baalunku mokkookkootanna wodana xillitinore ikkitinohura, ati yaattota agurina ani yeemmota nafa dimacciishshitanno.

HIZIQEELI 5:6

Yerusaalame kayinni, haxawarrite anera hajajama gibbe, qooxeessisera noo gosanni roore bushshino. Yerusaalame hajajo'ya mishshino; seera'yano wonsha gibbino.

DAANIEELI 9:5

ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

HOOSEI 4:16

Israeelete manni aggawarra adde gede maahoyye giwino. Hatto ikkina, Maganu insa hiitto asse ge'reewu goodanni gede danchu qanchira hosiisansara dandaanno?

SOFFOONIYAASI 3:2

Kuni katami yinoonnita dimacciishshanno; seejjo diadhanno. Kaaliiqa hexxa agurino; kaa'lannosi gedeno isiwa dishiqino.

ZAKKAARIYAASI 1:4

Akaakka'ne ha'ruma hadhinoonte; insa albi himanaano, busha doogonsanninna bushu loosinsanni higganno gede qorophisiissinonsa; insa kayinni, qaale'ya dimacciishshitino; hajajo'yano diwonshitino.

MAATEWOOSI 13:15

Kunni manni wodani dillaawino; maccansano beebbino; illensano tunsitino. Hatto ikka hoogoommero, illensanni la'e, maccansanni macciishshite, wodaninsanni wodanchite, anewa higgeenna hurseemmonsahu baino» yee borreessino himani aanansa wo'manno.

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.

SOQQAMAASINETE LOOSO 7:57

Hatte yannara insa lowo geeshsha cancitu. Macca cu'midhe mitteenni isiwa higge doddu.

IBIRAAWOOTA 12:25

Coyi'rannohura gara gibbinannikki gede qorophe. Uullate aana coyi'reenna gibbinori gattinokkiha ikkiro, gordoho hee're coyi'rannohura badhe wodhine hiitto ikkine ganteemmo?