ZAKKAARIYAASI 6:6 - Qullaawa Maxaafa

⁶ Koliddaannu faradi goshooshanni noo faradi gaare, aliyyera Baabilooni, waajjuullu faradi goshooshanni nooti galchimira, odole faradi goshooshanni nooti wodiidi gobba higge hadhu.

ZAKKAARIYAASI 6:6 ပူးပေါင်းရင်းမြစ်များ

ISAYAASI 30:6

Wodiidi Halallira noo saada dubbunnite daafira ani Kaaliiqi yeemmo coyi aane nooho: Sonkoonni manni doobbiyu hee'rannowa, harfaamu hamasinna lawa lawa yaanni buuwanno dhudhuufi hee'rannota, busha gobba giddoonni higge hadhanno. Afanshunniha ayirrado uduunne harrensaranna gaallansara hogophite, mittoreno kaa'litannonsakki gobba hadhanno.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 4:6

Aliyye raginni qoomamanna bala abbanni noommona, keeshshikkinni rahe gato noowa xooqanno gede, Tsiyooni katamma doogo leellishshesi.

ERMIYAASI 46:10

Hakku barri, ani Olantote Mootichi Kaaliiqi diina'ya rabbisi'reemmo barraati; bise mundee agge goo'ro fulta geeshsha, lowo manna shakki assitanno. Ani Olantote Mootichi Kaaliiqi, aliyyeenni Efiraaxisi Wayi mule noo manna, kakkalamanno gede asseemmo.

ERMIYAASI 51:48

Baabilooni aliyyenni daanno diini angara eanno waro, gordunna baatto, qoleno aanansa noori ilillisanno.

ERMIYAASI 6:1

Kaaliiqi, «Ki'ne Biiniyaami manna! Qarrunna bao aliyye raginni dagganni noona, gattinanni gede Yerusaalametenni fultine xooqqe. Teqoa katamira xurumba ufuuffe; Beetihakaremi katamirano malaateho giira giirre.

HIZIQEELI 1:4

Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

DAANIEELI 11:9

Hakkunni gedensaanni Aliyye moote Wodiidi moote horrara daanno. Ikkollana dayino lekkanni galagale baxikkinni gobbasi higanno.

YOHAANNIS AJUUJA 6:5

Sayikki sumuda tiri yannara, sayikki kalaqami, «Amo!» yaanna macciishshummo. Hakkiicho kolishsho farashsho afummo; farashsho gulufe noohu keenaasincho anga haa're no.