ZAKKAARIYAASI 6:12 - Qullaawa Maxaafa

¹² Hakkunni gedensaanni, Olantote Mootichi Kaaliiqi, ‹Sinaho yinanni manchi sinu gede ikke lophe aneha Qullaawa Mine galagalche minanno.

ZAKKAARIYAASI 6:12 ပူးပေါင်းရင်းမြစ်များ

LAYINKI SAAMUEELI 7:13

Mine'yano isi minanno; gashshootesino muramannokki gede geedonniha asseemmo.

IZIRA 3:10

Mine mintannori Qullaawa mine saffu yannara, qeesootu qeesimmate uddanonsa uddidhe buudu xurumba amadde, Leewaawootu Asaafi ooso qolte tsenaatsile amadde, moote Daawiti yannanni kayise rosamino garinni Kaaliiqa guwissara darga dargansa uurritu.

IZIRA 3:8

Kaaliiqi Mini noowa Yerusaalame iillituhunni layinki diro layinki aganira, Selaatiyaali beetti Zerubaabeelinna Iyotsedeqi beetti Iyyaasu hattono gattinori roduuwinsa qeesootu, Leewaawootu, qafadotewiinni Yerusaalame higginori baalu mine mintu. Lemuu dirirenna hakkuyi ali Leewaawoota Maganu Mini looso towattanno gede worri.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 33:15

Hakka waro, Daawiti sircho ikkinoha, keeraancho moote dooreemmo; isino baattote aana halaalunni taashshe gashshanno.

HIZIQEELI 37:25

Soqqamaanchi'ya Yaiqoobira oommositeranna akaakkansa heedhino baattora heedhanno; insanna oosonsa, sirchinsa baalu hatte gobbara hegere geeshsha heedhanno. Soqqamaanchi'ya Daawiti gedee moote hegere geeshsha gashshannonsa.

HIZIQEELI 41:1

Qoleno, Qullaawu Mini mereero noohuwa Qullaawu dargira haa're eessie. Hakka marranni faro bikkita, seendille 3 qaafo ikkitu.

AMOOTSI 9:11

Kaaliiqi, «Diigame uwino mini gede ikkinoha, Daawiti gashshoote galagalche uurriseemmo yanna dagganno. Huxxano dhaaweemmo; diigaminohano gatamareemmo; albi gede asse haaroonseemmo.

MIKIYAASI 5:5

Isino keerensa ikkanno. Asoori manni gobbanke horranno woyitenna qiishonke kade eanno woyite, manna agartannore 7 woy 8 olantote roorroota sonke olammeemmo.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

ZAKKAARIYAASI 3:8

Qeesootu qara Iyyaasu, Macciishshi! Ki'neno ledosi soqqantinannirinna albillittete ikkannorira, danchu coyi malaate ikkitinoonniri konne coye wodanche; kuneeti, «Sina» yine woshshinanniha soqqamaancho'ya leellisheemmo.

ZAKKAARIYAASI 8:9

Olantote Mootichi Kaaliiqi, «Qullaawu Maganu Mine layinkimeeshsho minate sanfanni yannara, himanaano coyidhinore macciishshitiniri baalunku jawaatte! Waajjitinoonte!

MAATEWOOSI 16:18

Ani kuleemmohena, Pheexiroosi ati kinchoho; kunni kinchi aana Beetekiristaane'ya mi'neemmo. Ise reyote wolqa nafa diqeeltannose.

MAATEWOOSI 26:61

«Kuni manchi, ‹Maganunniha Qullaawa Mine diige, sasu barri giddo qole mina dandeemmo› yaanna macciishshinoommo» yitu.

MAARQOOSI 14:58

«‹Ani konne mannu mininoha Maganu mine diige, sasu barri giddo wole angatenni minnoonnikkiha mineemmo› yaanna macciishshinoommo» yitu.

MAARQOOSI 15:29

Mulesiinni hige doogo sa"anno manni malxifatanni, «Qullaawa Mine diigge sasu barrinni minattohu,

MAARQOOSI 15:39

Yesuusa sunti masiqali albaanni uurre noohu mittichu xibbe olanto roorrichi, Yesuusi raare kae ikke reyi gara lae, «Kuni manchi halaalintanni Maganu Beettooti» yii.

LUQAASI 1:78

Maganinke maarannohanna shaqqado ikkinohura, gatote caabbichi gordunni xawannonke gede assanno.

YOHAANNISI 1:45

Filiphoosi Naatinaeeli afe, «Muse Seerunnihura, himanaanono himanu maxaaffara isi daafira borreessituhawe anfummo. Isi Yooseefi beetti, Naaziretete Yesuusaati» yii.

YOHAANNISI 19:5

Yesuusira utu worraaqqa umoho worte duume uddano uddisiisseenna gobbara fulita Philaaxoosi, «Manchu kuneeti» yiinsa.

SOQQAMAASINETE LOOSO 13:38

Roduuwa'ya, cubbu maaro Yesuusi widoonni higge daggannota lallambe kulloonni gede affe.

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

UMI QORONTOOSI 3:9

Ninke Maganu ledo loonseemmoreeti; ki'neno Maganu ho'richootinna Maganu mineeti.

IBIRAAWOOTA 10:12

Kiristoosi kayinni lendannikkita cubbo agursiisate kakkalo shiqishihu gedensaanni, Maganu qiniiteenni ofollino.

IBIRAAWOOTA 7:24

Yesuusi kayinni hegerera hee'rannoha ikkino daafira, qeesimmasira gawalo dino.

IBIRAAWOOTA 7:4

Kuni manchi hiittoonni lowoha ikkinoro la'e! Ga'resi anna ikkinohu Abirihaami nafa qafadotenni afi'rinori giddonni tonnunni mitto fushshe uyinosi.

IBIRAAWOOTA 8:3

Mitto mittonka qeesootu roorroota worrannihu, Maganoho fushshaatenna kakkalo shiqishshanno gedeeti. Ninkehu Qeesootu Qarino shiqishannoha mitto coye afi'ra hasiissannosi.