ZAKKAARIYAASI 6:11 - Qullaawa Maxaafa

¹¹ insa uyitino birrinninna culkinni ayirrado ba'latto seekkite, qeesootu qarira Iyotsedeqi beetti Iyyaasura umoho wori.

ZAKKAARIYAASI 6:11 ပူးပေါင်းရင်းမြစ်များ

LAYINKI SAAMUEELI 12:30

Daawiti Amoonootu magani Melooki yinannihu umi aaninni 35 kiilo ikkannohu dilqu kinchi noo ba'latto haa're umisi aana wodhi. Katamu giddonnino lowo jajja adhi.

IZIRA 10:18

Qeesootu sirchi giddo wole gobba meento adhitinori kunninni aante nooreeti: Iyotsedeqi beetti Iyyaasu sirchinna roduuwisi mereerinni Maiseya, Elieezeeri, Yariibinna Gedaaliyaati.

IZIRA 3:2

Iyotsedeqi beetti qeesichu Iyyaasu ledosi qeesooti ledonna Selaatiyaali beetti Zerubaabeelino fiixisi ledo Israeelete Maganiha kakkalote darga galagalchite seekkitu. Hakkunni gedensaanni, Maganu manchi Muse maxaafi seerunnihura borreessinoonni garinni kakkalo shiqishshu.

FAARSO 21:3

Dancha maassonni xaadoottosi; filu culkita ayirrinyu ba'latto umoho woroottosi.

FULO 29:6

Xaanxoonni koffiyano umoho worisi; qullaawa ba'lattono koffiyu aana wori.

FULO 39:30

Filu culkinni qullaawa ba'lattora malaate worte seekkite, aanaho «Kaaliiqira baxxitinote» yite borreessitu.

FAARSO ROORE FAARSO 3:11

Ki'ne Tsiyooni seenne, moote Selemooni la"ate amme! Isi, amasi wortinosita ayirrinyu ba'latto umoho wodhe no; tenne ba'latto, hagiirrunnihu adhamasi jili barra wodhanno.

LEEWAAWOOTA 8:9

Kaaliiqi hajajinosinte gede, Muse Aarooni Kaaliiqira aamaminoha ikkasi egensiisannoha culku irra aanaho worroonniha xaanxoonni koffiya umoho worisi.

HAGE 1:1

Faarisi moote Daariyoosi moohihunni layinki diro, leelki agani eihunni umi barra, Kaaliiqi himanaanchu Hage widoonni qole coyi'ri; coyi'rinohuno, Yihudu gashshaanchira Shalitueeli beettira Zerubaabeeliranna qeesootu qarira Iyotsedeqi beetti Iyyaasuraati.

HAGE 1:14

Kaaliiqi Yihudu gashshaancho Zerubaabeeli, qeesootu qara Iyyaasunna qafadotenni higino manna baala, Qullaawa Mine galagalchite mintanno gede kakkayisi; insano Olantote Mootichi Kaaliiqi Mine mina hanaffu.

HAGE 2:4

‹Xa kayinni baalunku jawaatte! Ani ledo'ne noommona minne!› yaanno Olantote Mootichi Kaaliiqi.

ZAKKAARIYAASI 3:1

Hakkunni gedensaanni Kaaliiqi, Qeesootu Qara Iyyaasu Kaaliiqi sokkaasinchira albaanni uurre nooha ajuujatenni leellishie. Sheexaanu Iyyaasu yekkeerara qiniitesiinni uurre no.

ZAKKAARIYAASI 3:5

Anino, «Xurinokkiha xaaxi'nanni koffiya umisi aana wora habbinoonte» yuummo. Insano Kaaliiqi sokkaasinchi hakkiicho uurre hee'reenna, Iyyaasura umoho xurinokkiha xaanxoonni koffiya worte, faayya qeesimmate uddanono uddisiissusi.

ZAKKAARIYAASI 6:14

Ayirrado ba'lattono Qullaawa Mine'ya heedhona. Mannuno ise la"anno woyite, Heldaya, Xobbiyanna Yidaiya qaaganno; qoleno, Soffooniyaasi beetti Iyosiyaasi mageeshshi geeshsha shaqqado ikkinoro qaaganno» yiie.

IBIRAAWOOTA 2:9

Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.

YOHAANNIS AJUUJA 19:12

Illesi giirate buwano labbanno; umisi aana haammata mootete worraaqqa no. Iso agurranna wolu mittuno afa dandaannokki su'mi aanasi borreessame no.

YOHAANNIS AJUUJA 6:2

Laeemmo woyite alba'yaanni waajju farashshi no! Gulufe noohu anga digaana adhe no. Ba'lattono uyinisi; qeelle adhe hee're, wole qeelle adhate fuli.