ZAKKAARIYAASI 4:7 - Qullaawa Maxaafa

⁷ Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

ZAKKAARIYAASI 4:7 ပူးပေါင်းရင်းမြစ်များ

IZIRA 3:10

Mine mintannori Qullaawa mine saffu yannara, qeesootu qeesimmate uddanonsa uddidhe buudu xurumba amadde, Leewaawootu Asaafi ooso qolte tsenaatsile amadde, moote Daawiti yannanni kayise rosamino garinni Kaaliiqa guwissara darga dargansa uurritu.

FAARSO 114:4

Ilaalla, waajjino goodanni gede dammaqqu; gaarrano ge'reewu wilii'li gede baraggu.

FAARSO 114:6

Ki'ne ilaalla waajjino goodanni gede mayira dammaqqini? Ki'ne gaarrano ge'reewu wilii'li gede mayira baraggini?

FAARSO 118:22

Mine mintannori mishshe agurtino kinchi, wo'munkura umo ikkino.

FAARSO 84:11

Kaaliiqi agaraanchonkeetinna wonqonkeeti; mararannonke; ayirrinyeno aannonke; danchumma assitannorira dancha coye diho'lannonsa.

ISAYAASI 28:16

Kunnira Mootichu Kaaliiqi, «Kaajjado safote kincho Tsiyooni woreemmo. Isino ayirradohonna ammanaminoho; iso hexxannohu disaalfatanno.

ISAYAASI 41:15

Hinko afi'rinohu haaru gide gannanni uduunnichi gedeeha asseemmohe; ilaalla hawuurte maniissatto; gaarrano daakke galawa assatto.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

ERMIYAASI 51:25

Qoleno Kaaliiqi Baabilooni gosara, «Ki'ne gobba baala huntinoonniri, ilaalu gede to'ine manna guddinoonniri Baabilooni gosa, anino ki'ne hatto asse gudeemmo. Buluushshe mulla darga asseemmo'ne.

MIKIYAASI 1:4

Hattenne yannara giira daaqissanno gaga gede, ilaalla lekkasira woroonni daaqqanno. Roggeno lagicha dirranno wayi gede ikkitanno.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

ZAKKAARIYAASI 4:8

Ledeno Kaaliiqi,

ZAKKAARIYAASI 4:9

«Qullaawa Mine Zerubaabeeli safino; mine gudannohuno isooti. Kuni ikkanno woyite, mannu ate soommohu ane ikkoommota afanno.

MAATEWOOSI 21:21

Yesuusi, «Halaale kuleemmo'nena, amma'na heedhu'neronna huluullama hoogginiro balase ikkitu gede assa calla ikkikkinni konne ilaala, ‹Kawiinni ka'e marte baaru giddo uwi!› yitiniro nafa ikkanno'ne.

MAATEWOOSI 21:42

Yesuusi aanche, «Qullaawa Maxaaffara, ‹Mine mintannori mishshe agurtino kinchi, wo'munkura umo ikki. Konne coye assinohu Mootichaho; ninke illerano maalalete› yine borreessinoonniha horonta dinabbabbinoonni?

MAARQOOSI 12:10

Anfina, ‹Mine mintannori mishshino kinchi, mineho gumayicho ikki.

LUQAASI 20:17

Yesuusi insa widira hige lae, « ‹Mine mintannori mishshe agurtino kinchi, mineho dhaawa ikkino› yine borreessinoonnihu mayira lawanno'ne?

LUQAASI 3:5

Xeichu baalu wo'mo; ilaallanna gaarra diigante taalo uulla ikkito. Shokkitino doogono subbo; boono fultino doogono taalo ikkito.

SOQQAMAASINETE LOOSO 4:11

Ki'ne mine mintinanniri mishshine agurtinoonni kinchi isooti; isi dhaawate kincho ikkino.

ROOMU SOKKA 11:6

Dooramansa eltosinni ikkitannoha ikkiro, loosunni di"ikkitino yaate. Loosunni ikkoommero, elto halaalunnita di"ikkitanno.

EFESOONI SOKKA 2:20

Soqqamaasinetenna himanaanote safo aana xintantinoonni. Qaru dhaawate kinchi Kiristoosa Yesuusaati.

UMI PHEEXIROOSI 2:7

Kuni kinchi ki'ne ammantinoonnirira ayirrinyeho. Ammantinokkirira kayinni, «Ogeeyye mishshe tugge agurtino kinchi, mineho dhaawate kincho ikkino»

YOHAANNIS AJUUJA 16:20

Giddichuwa baala ba'u; ilaallano noo darginni hoongi.