ZAKKAARIYAASI 4:6 - Qullaawa Maxaafa

⁶ Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

ZAKKAARIYAASI 4:6 ပူးပေါင်းရင်းမြစ်များ

KALAQAMA 41:16

Yooseefino Ferioonira, «Ani tira didandeemmo; Maganu kayinni atera woyyitanno tiro aannohe» yee dawarisi.

UMI MOOTOOLLA 19:12

Baatto huxidhuhu gedensaanni giira daggu. Giirate giddono Kaaliiqi dino. Giirate gedensaanni shiima huuro no.

LAYINKI DUDUWO 14:11

Hatte yannara Aasa Maganosi Kaaliiqa, «Kaaliiqa'ya! Wolqa hoogginore wolqaataammuwiinni gatisannohu ate gedeehu dino. Maganonke Kaaliiqa! Ninke kune ate hexxine su'makki addaxxine tenne wolqaataame olanto ledo gaarammammora dangoommona kaa'linke. Kaaliiqa! Ati Maganonkeeti. Qeelannohehu mittuno dino» yaanni huucci'ri.

IZIRA 2:2

qafadantinori roorrooti: Zerubaabeeli, Iyyaasu, Nehimiya, Seeraya, Re"elaya, Merdookiyoosi, Bilshaani, Misipaari, Bigiwayi, Rehuuminna Beaana yinannireeti. Mittu mittunku Israeelete boosaalli giddonni qafadotewiinni higginori kiiro aante noote:

IZIRA 3:10

Mine mintannori Qullaawa mine saffu yannara, qeesootu qeesimmate uddanonsa uddidhe buudu xurumba amadde, Leewaawootu Asaafi ooso qolte tsenaatsile amadde, moote Daawiti yannanni kayise rosamino garinni Kaaliiqa guwissara darga dargansa uurritu.

IZIRA 5:2

Konne himana macciishshituhu gedensaanni, Selaatiyaali beetti Zerubaabeelinna Iyotsedeqi beetti Iyyaasu Yerusaalamete nooha Maganunniha Qullaawa Mine galagalchite minate ka'u. Kaa'litannonsari lamunku Maganu himanaano ledonsa no.

FAARSO 33:16

Moote olantote batinyinni diinasi diqeelanno; wolqaataamuno wolqasi batinyinni qeelle diafi'ranno.

ROSIISAANCHO 9:11

Tenne kalqe aana laoommohu wolu coyino no. Rakke doddannori wo'ma woyite diqolchitanno; bareedda wo'ma woyite diqeeltanno; egennaammu wo'ma woyite diduubbanno; busullaaddu wo'ma woyite diduroo'mitanno; egennaammu wo'ma woyite diayirritanno. Ikkollana, wo'munkura yannanna kaayyo xaaddannonsa.

ISAYAASI 30:1

Kaaliiqi, «Haxawarra oosora aanne'e! Ane doogo agurte uminsa doogo hadhanno. Ane hedora gobbaanni gondooro e'anni, cubbu aana cubbo lexxitanno.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 34:16

Kalaqamu daafira Kaaliiqi maxaafira borreessinoonnire nabbabbe. Kunni kalaqami giddonni mittu nafa diba"anno; ledo hee'rannoha hoogge dicallattanno. Konne coye Kaaliiqi hajajino daafira, isi umisi mitteenni heedhanno gede assannonsa.

ISAYAASI 59:19

Bubbimma jiganno lolahi gede ikke daanno daafira, galchiminna soojjaati gosa, Kaaliiqanna ayirrado wolqasi waajjitanno.

DAANIEELI 2:34

Ati misile la'anni heedheenna lowo kinchi mannu kisikkinni gongo'me dirre, siwiilunninna dorunni seekkinoonni misile lekka gane hiiqqaqqino.

HOOSEI 1:7

Yihudu manna kayinni marareemmo. Ani Maganinsa Kaaliiqi gatiseemmonsa; gatiseemmonsahuno olunni di"ikkino. Bisetenni, digaanunni, maxxunni, woy faradunna faradaasinetenni di"ikkino» yii.

HAGE 1:1

Faarisi moote Daariyoosi moohihunni layinki diro, leelki agani eihunni umi barra, Kaaliiqi himanaanchu Hage widoonni qole coyi'ri; coyi'rinohuno, Yihudu gashshaanchira Shalitueeli beettira Zerubaabeeliranna qeesootu qarira Iyotsedeqi beetti Iyyaasuraati.

HAGE 2:21

Yihudu gashshaanchira Zerubaabeelira, «Gordonna baatto shafeemmo barri daanno.

ZAKKAARIYAASI 6:12

Hakkunni gedensaanni, Olantote Mootichi Kaaliiqi, ‹Sinaho yinanni manchi sinu gede ikke lophe aneha Qullaawa Mine galagalche minanno.

KIIRO 27:16

«Mannu baalunkura lubbo woroottohu Mootichu Kaaliiqi konne manna massagannoha wori.

EFESOONI SOKKA 6:17

Gatonnita siwiilu gullee umoho wodhe; Qullaawu Ayyaani bise ikkinoha Maganu qaale suxxe.

UMI PHEEXIROOSI 1:12

Tini himanaano ki'nera ikkinnina uminsara soqqantinokkiti xabbe leeltinonsa; soqqantino'nehuno gordunni sonkoonnihu Qullaawu Ayyaani widoonni xa Dancha Duduwo kuli'ne manni hasaawinore xawisatenniiti. Konne coye sokkaasine nafa la'ara halchitanno.

UMI SAAMUEELI 14:6

Yoonaataani bagadosi duhino wedellichira, «Kaaliiqi kaa'lannonkeha ikkannona, amo tenne maganiweelo gosa widoonni hinge sa'nona. Isilla assara hasi'rinoha ikkiro, lowohunnino shiimunnino gatisara dandaanno» yiisi.

UMI SAAMUEELI 17:47

Konne noori baalunkuno, Kaaliiqi bisetenni woy urdetenni gatisannoha ikkinokkita affanno. Olu Kaaliiqiha ikkino daafira baalanka angankera sayise aanno» yiisi.