ZAKKAARIYAASI 3:8 - Qullaawa Maxaafa

⁸ Qeesootu qara Iyyaasu, Macciishshi! Ki'neno ledosi soqqantinannirinna albillittete ikkannorira, danchu coyi malaate ikkitinoonniri konne coye wodanche; kuneeti, «Sina» yine woshshinanniha soqqamaancho'ya leellisheemmo.

ZAKKAARIYAASI 3:8 ပူးပေါင်းရင်းမြစ်များ

FAARSO 71:7

Ati jawaata golo ikkoottoehura, ani lowo mannira lawishsha ikkoommo.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 20:3

Kaaliiqino, «Borojjichi'ya Isayaasi Gibitsetenna Itiyophiyaho malaatenna qorophishiishsha ikkate 3 diro wo'ma uddano uddi'rikkinninna koatte wodhikkinni doyino.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 49:3

Isino, «Israeeli! Ati anera soqqamaancho'yaati; atenni kainohunni mannu baalu ayirrisannoe» yiinoe.

ISAYAASI 49:5

Kaaliiqi ama'ya godowi giddo hee'reennanni doorinoe; billaallinoha Yaiqoobi sircho Israeelete manna gamba asseemmo gede, soqqamaanchosi assi'rinoe. Kaaliiqi albaanni ayirrinye afi'roommo; Magani'yano wolqa ikkinoe.

ISAYAASI 52:13

Kaaliiqi, «Soqqamaanchi'yara assannori baalu qinaannosi; lowo ayirrinyeno afi'ranno.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

ISAYAASI 8:18

Kuneeti, Tsiyooni Ilaalira hee'rannohu Olantote Mootichi Kaaliiqi, anenna uyinoe ooso Israeelete malaatenna qorophishiishsha asse soyinonke» yii.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 33:15

Hakka waro, Daawiti sircho ikkinoha, keeraancho moote dooreemmo; isino baattote aana halaalunni taashshe gashshanno.

HIZIQEELI 12:11

Kuni ati assootto coyi baalu, insa aana ikkara rahino coyira malaate ikkinota kulinsa. Insano, qafadante hadhannore ikkitanno.

HIZIQEELI 12:6

Ha'ratto dargi leellannohekki gede uduunnekki qotikkira duqqite illekki diphite tunsote hadhanna laohena; assattori baalu Israeelete qorophishiishsha ikkanno» yiie.

HIZIQEELI 24:24

Hatte yannara, ani ki'nera malaate ikkeemmo'ne; ani ikkummo gede ikkitinanni. Kuni baalunku ikkanno yannara, isi Mooticha Kaaliiqa ikkinota affinanni gede Kaaliiqi coyi'rino» yee dawaroommonsa.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 37:24

«Soqqamaancho'ya Daawiti lawanno moote gashshannonsa; mittu allaalaasinchiwa gamba yite seera'ya xeissukkinni agadhitanno.

ZAKKAARIYAASI 6:12

Hakkunni gedensaanni, Olantote Mootichi Kaaliiqi, ‹Sinaho yinanni manchi sinu gede ikke lophe aneha Qullaawa Mine galagalche minanno.

LUQAASI 1:78

Maganinke maarannohanna shaqqado ikkinohura, gatote caabbichi gordunni xawannonke gede assanno.