ZAKKAARIYAASI 3:4 - Qullaawa Maxaafa

⁴ Sokkaasinchuno soqqamaanosi, «Tenne xurtino uddano fushshesi!» yee hajajinsa. Falaqqi yee Iyyaasuwa hige, «Kuneeti saokki atewiinni hooloommo; faayya qeesimmate uddanono uddisiiseemmohe» yiisi.

ZAKKAARIYAASI 3:4 ပူးပေါင်းရင်းမြစ်များ

LAYINKI SAAMUEELI 12:13

Daawitino Naataanira daware, «Kaaliiqi aana sao assoommo» yii. Naataanino Daawitira qole, «Kaaliiqi cubbokki agurannohena direyatto.

UMI MOOTOOLLA 22:19

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.

FAARSO 51:9

Cubbo'ya la'ooti; sao'ya baalanta agurie.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ERMIYAASI 52:33

Yoakiini usuru mini imaana soorri're, reya geeshsha mootete ledo itanno gede assinoonnisi.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

HIZIQEELI 42:14

Qullaawu Minira e'ino qeesooti, gobbaanni noo nafarchira fula hasidhanno yannara, Kaaliiqira soqqantara uddidhinoha qullaawa imaana fushshite hatte kifillara wortanno. Mannu gamba yaanno nafarchira fultara albaanni wole imaana uddi'ra hasiissannonsa» yii.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MIKIYAASI 7:19

Galagalte maarattonkera cubbonke kadde, baaru diimera tugatto.

ZAKKAARIYAASI 3:1

Hakkunni gedensaanni Kaaliiqi, Qeesootu Qara Iyyaasu Kaaliiqi sokkaasinchira albaanni uurre nooha ajuujatenni leellishie. Sheexaanu Iyyaasu yekkeerara qiniitesiinni uurre no.

ZAKKAARIYAASI 3:7

«Olantote Mootichi Kaaliiqi, ‹Doogo'ya aana ha'rittoronna looso'ya baala guutittoro, qullaawa mine'yanna gudumaali'yara mookke hee'ratto; alba'yaanni uurrite noo sokkaasine huuccatto macciishsheemmonte gede, ate huuccattono macciishsheemmo.

ZAKKAARIYAASI 3:9

Kuneeti Iyyaasu albaanni 7 suude afi'rinoha mitto kincho woreemmo; isi aanano borrote xawishsha borreesseemmo; tenne gobba cubbono mittu barrinni haa're hooleemmo.

MAATEWOOSI 22:11

«Moote jilaho dayino manna la"ara haru giddora eanno woyite kayinni, jilu uddano uddi'rinokkiha mitto mancho afe,

LUQAASI 1:19

Sokkaasinchuno, «Ani Maganu albaanni uurreemmohu Gebirieeliiti. Konne dancha duduwo kulammohera Maganuwiinni soqqame dayommo.

LUQAASI 15:22

Annu kayinni soqqamaanosi woshshe, ‹Rakkine woyyaabbino uddano abbitine uddisiissesi. Qubbichisira cuuicho, lekkasirano koatte worresi.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

ROOMU SOKKA 3:22

Maganu Yesuusa Kiristoosa amma'nanno manna baala keereensanno. Mannu mereerono badooshshe diworanno.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

QOLASIYAASI SOKKA 3:10

Kalaqinohu daninni egennotenni haaroo'mitannota haaro mannimma uddidhe.

IBIRAAWOOTA 8:12

Kuni baalu ikkannohu, saonsa agureemmohuraatinna, kunni ka'ano cubbonsa qaageemmokki daafiraati» yiino.

YOHAANNIS AJUUJA 5:11

Laummo woyite, ayirrado barcima, shoolenka kalaqamanna geerra doyissite uurrite noorita, kiirre fullannikkirita kumu kumi sokkaasine huuro macciishshummo.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.