ZAKKAARIYAASI 3:2 - Qullaawa Maxaafa

² Kaaliiqi sokkaasinchino Sheexaane, «Ate Sheexaane, Kaaliiqi rufohe! Yerusaalame baxannohu Maganu rufohe! Kuni manchi, Kaaliiqi boosaasinchu gede giirate giddonni haa're fushshinohowe!» yiisi.

ZAKKAARIYAASI 3:2 ပူးပေါင်းရင်းမြစ်များ

LAYINKI DUDUWO 6:5

‹Manna'ya Gibitsetenni fushshummo barrinni kayise, su'ma'ya ayirrinsanniha Qullaawa Mine minnanniewa Israeelete baatto baalate giddonni mitto katamano didoodhoommo. Manna'ya Israeele gashshannoha mitto manchono didoodhoommo.

LAYINKI DUDUWO 6:6

Xa kayinni su'ma'ya ayirrinsanniwa ikkanno gede Yerusaalame, manna'ya Israeele gashshatto gedeno ate Daawiti doodhoommo› yiino» yii.

ISAYAASI 7:4

Xaadatto woyite, ‹Deantooti; wodanaa'mi; massooti; waajjitooti› yite xo'anni noo giira wiliile gedeere 2 mootoolla Retsiininna Remaaliya waajjannokki gede kulisi.

DAANIEELI 12:1

Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

AMOOTSI 4:11

«Soddoomanna Gomoora hunummonte gede ki'ne giddonnino lowo manna hunoommo. Ki'ne giddonnino gattinoonnire giira ittuhu gedensaanni gate fulino haqqichi gedeere ikkitinoonni. Kuni baalu ikke hee'reennanni gaabbitine anewa dihigginoonni. «Konne coye coyi'roommohu ani Kaaliiqaati.

ZAKKAARIYAASI 1:17

Sokkaasinchu layinkimeeshshono, «Olantote Mootichi Kaaliiqi, ‹Katamma'ya galagalte lowo geeshsha qawaaxxidhanno; Yerusaalamete mannano galagale jawaachisheemmo; qoleno umi'yare assi'reemmonsa› yiino» yii.

ZAKKAARIYAASI 2:12

Yihudu gobba qullaawa layinkimeeshsho Kaaliiqira addi jiro ikkitanno; Yerusaalameno layinkimeeshsho aneta assi'reemmo.

MAARQOOSI 1:25

Yesuusi busha ayyaana, «Sammi yite manchuwiinni fuli!» yee rufi.

MAARQOOSI 9:25

Yesuusi mannu hooramanni isiwa hige daannota afe, busha ayyaana, «Ati macciweelunna danqichu ayyaani, beettuwiinni fulatto gedenna layinkita eattokki gede hajajeemmohe!» yee rufi.

LUQAASI 22:32

Ikkollana ammanakki ba'annokki gede ate daafira huucceemmo. Galagalte daatto woyite roduuwakki kaajjishi!» yii.

LUQAASI 4:35

Yesuusi, «Busha ayyaana, sammi yite manchuwiinni fuli» yee rufi. Bushu ayyaanino mancho mannu albaanni tuge, gawajjisikkinni fule ha'ri.

LUQAASI 9:42

Beettu Yesuusiwa shiqita bushu ayyaani uulla tuge fittifachiishisi. Yesuusi kayinni busha ayyaana rufi; beettono hurse annaho uyi.

YOHAANNISI 13:18

Konne coye coyi'roommohu ki'ne baalunku daafira di"ikkino. Ani doodhoommore egennoommo. Ikkirono, ‹Hurbaate'ya itinohu anera badhe wodhinoe› yaannohu Maganu qaali wo'ma hasiissanno.

ROOMU SOKKA 16:20

Keere aanno Magani Sheexaane rahe lekka'nera woroonni cancananno. Mootichinke Yesuusi elto ki'ne ledo heedho.

ROOMU SOKKA 8:33

Maganu doorinore, «Sao assitinoonni» yaannonsahu ayeti? Keereensannonsahu Maganoho.

UMI YOHAANNISI 3:8

Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.

YIHUDA 1:23

Mito mito giirate giddonni fushshitine gatissensa! Mito mitono lagaabbinota uddanonsa kisi'ra gibbinanni heedhinenni, waajjillu ledo insa kayinni mararrensa.

YIHUDA 1:9

Sokkaasinete roorrichi Mikaaeeli nafa Muse reeshshi daafira Daawuloosi ledo coyi'rami yannara, «Maganu seejjohe» yiinota ikkinnina, xono afiisinni difultino.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.