ZAKKAARIYAASI 3:10 - Qullaawa Maxaafa

¹⁰ Hakku barri iillanno woyite, umi'ne woyinenna balase'ne hunda ofoltine ollaa'ne jilaho woshshitinanni qawaaxxidhine heedhinanni› yaanno» yii.

ZAKKAARIYAASI 3:10 ပူးပေါင်းရင်းမြစ်များ

UMI MOOTOOLLA 4:25

Selemooni yannara Daaninni Bersaabehi geeshsha noohu Yihudunna Israeelete manni yaaddo nookkiha keere hee'rino. Baalunku umi uminsahura woyinennihuranna balasete haqqe caalira caa'lite fooliishshidhanni heedhino.

UMI MOOTOOLLA 5:5

Kaaliiqi anni'yara Daawitira, ‹Ate darga moohannohu beettikki Qullaawa Mine minannoe› yee coyi'rino. Anino, magansi'nanniha Qullaawa Mine Magani'ya Kaaliiqira minate kaoommo.

ISAYAASI 32:18

Maganu manni yaaddonna qarru nookkiha hee'ranno; mininsa keerunnihanna hobbaatenniha ikkanno.

ISAYAASI 36:16

Hiziqiyaasi yaannota macciishshitinoonte. Asoori moote, ‹Daggine anera anga uuyye! Hatto ikkitiniro woyinennitanna balasete laalo'ne ittinanni; waa'neno agginanni.

ERMIYAASI 32:15

Ani Israeelete Magani Olantote Mootichi Kaaliiqi, mannu tenne baattora mine, loosi'nanni baattonna woyine kaasi'nanni baatto hidhanno barri daanno yiino» yoommo.

HOOSEI 2:18

Hatte yannara manni'ya ledo gondooro e"eemmo. Moyichunna allaatte manna'ya gawajjitannokki gede asseemmo. Hattonni bagado baala baattote aaninni hooleemmo. Biseno maxxuno horonta dihee'ranno. Manni'ya harshammi yee keerunni hee'ranno gede asseemmo.

MIKIYAASI 4:4

Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.