ZAKKAARIYAASI 2:9 - Qullaawa Maxaafa

⁹ Qoleno, «Kaaliiqi umisi ki'ne qasanno'ne; soqqamanno'ne mannino daware ki'ne mulqi'ranno» yii. Kuni duuchu ikkanno woyite, ane soyinoehu Olantote Mooticha Kaaliiqa ikkinota mannu baalu afanno.

ZAKKAARIYAASI 2:9 ပူးပေါင်းရင်းမြစ်များ

ISAYAASI 10:32

Techo hakku diini Noobi Katamira no. Yerusaalamete Katamira nooha Tsiyooni Ilaala waajjishiishate anga irbanni no.

ISAYAASI 11:15

Kaaliiqi Gibitsete lawo mooshshanno; mannu baalu lekkatenni sa"anno gede Efiraaxisi Waa jawa bubbenni woggare mooshshe 7 shiimmaaddu xashshira soorranno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 13:2

Mitturino mu'rannokki ilaali aana heedhine malaate worre! Boonaleeyye Baabilooni gashshaano waalcho higge e'anno gede olantote lallabbine kulle.

ISAYAASI 14:2

Wole gosano Kaaliiqi uyinonsa gobba higganno gede kaa'litannonsa. Daga insara borojju gede ikkite soqqantannonsa; alba qafaddinonsare xa qolte insa qafaddanno. Alba gadadissinonsare gashshitanno gede roorre uyinanninsa.

ISAYAASI 19:16

Hakko barra Gibitsootu waajjite meyate gede ikkitanno. Olantote Mootichi qorichishansara anga gotti assanno woyite waajjite huxidhanno.

ISAYAASI 26:1

Hakka waro Yihudu baattora kunninni aante noo faarso faarsinanni: Kataminke jawaataho; Maganu huxxanna gatote qiisho seekkinosi.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ISAYAASI 33:21

Diininke yowolonna markaawe hadhannokkiwa, daadanno wayinna jajjabba xashshuwa gama, Kaaliiqi ayirrinyisinni ninke ledo hee'ranno.

ISAYAASI 33:23

Manni'ne diilallo golanno shari shoshshoggeenna, ha'ra hooggino markaawe gede ikkino. Jajja'ne baala gudhinanni; naaffinori nafa dagge saantanno.

ISAYAASI 4:5

Hatte yannara Kaaliiqi Tsiyooni Ilaaliranna hakkiicho gamba yite noorira baalaho barra gomicho, hashsha wiliilenna wala yaanno kiffala soyanno. Maganu ayirrinyi katama gudise guggushshe golanno.

ISAYAASI 48:16

Anewa shiqqine yeemmore macciishshe! Bi're hundinni kayise mittoreno gole dicoyi'roommo; kuni coyi ikkinkunni ani hakkiicho noommo» yii. Xaano kune ane Mootichu Kaaliiqi, Ayyaanisi ledo soyinoe.

ISAYAASI 60:18

Kunni ka'a gobbakkira qarru raare dimacciishshinanni; dannikkirano baonna diigama diheedhanno. Ani huxxa ikke gargareemmohe; agareemmohe; atino gatisoommohe daafira galatattae.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

ERMIYAASI 27:7

Gobbasi wolu angara sa'a geeshsha gosa: Isi, beettisinna beettisi beetti anga galtanno. Hakkunni gedensaanni gosasi wolqaataame daganna jajjabba mootoolla angara higganno.

ERMIYAASI 28:9

Keerunnire himanino himanaanchiri halaale ikkannohu, coyi'rinori wo'manno woyiteeti» yoommo.

ERMIYAASI 8:19

Hanni macciishshe! Manni'ya fafo gobbara hee're, «Kaaliiqi kataminkera Tsiyooni dihee'ranno? Mootenke hakkiicho dihee'ranno?» yaanni, raaranno raare macciishshoommo. Kaaliiqi mootensa, «Misillanna wole gobbata kaphu maganna, magansi'ratenninna kumbuulatenni, ane mayira hanqissinannie?» yee coyi'rinsa.

HIZIQEELI 39:10

Kunnira, olu bagado giidhitanno daafira, haqqe hiiqqi'ranna kadha dihasiissannonsa; alba horritinonsare qolte rabbate horritanno. Ani Mootichu Kaaliiqi konne coye coyi'roommo» yii.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

IMBAAQOOMI 2:17

Libaanoosi assi'rootto beebba ateno amaddannohe; saada gudakkino masissannohe. Kuni ikkannohu manna shootto daafira, gobbanna katamma, qolteno giddonsa noore baala gudootto daafiraati.

IMBAAQOOMI 2:8

Ki'ne lowo gosa jajja gudhitinoonni. Gattinori qolte badote ki'ne mulqidhanno'ne. Kuni ikkannohu, ki'ne lowo manni mundee duntine, gobbate aana noo mannanna katamma baala beebba assidhinoonni daafiraati.

SOFFOONIYAASI 2:9

Ani Israeelete Magani Olantote Mootichi Kaaliiqi heeshshonnihu su'miyanni xaareemmo. Moaabinna Amooni, Soddoomunna Gomooru gede ikkite ba'anno. Maxinete balenna ishinu guggushshinowa loonsannikki baatto gede ikkitanno. Qafadotewiinni gatinohu manni'ya jajjansa saamanno; baattonsano ragi'ranno. Kuni ikkanno gede ani Kaaliiqi heeshshonnihu su'mi'yanni xaareemmo» yii.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

ZAKKAARIYAASI 2:8

Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

ZAKKAARIYAASI 4:9

«Qullaawa Mine Zerubaabeeli safino; mine gudannohuno isooti. Kuni ikkanno woyite, mannu ate soommohu ane ikkoommota afanno.

ZAKKAARIYAASI 6:15

Hatte yannara, fafowa hee'ranno manni Kaaliiqiha Qullaawa Mine galagalche mina kaa'lara daanno. Qullaawu Mini'ya minamanno yannara, ki'newa soyinoehu Olantote Mooticha Kaaliiqa ikkinota affinanni. Kuni baalunku wo'mannohu Magani'ne Kaaliiqira hajajantinirooti.

ZAKKAARIYAASI 9:15

Olantote Mootichi Kaaliiqi mannisira gargaraancho ikkanno; insano diinnansa corqaayyete worroonni kinnanni guddanno. Kakkalote mundee kakkalote darga dunnannihu gede, diininsa mundee ga'nite dimbinohu gede ikkite alaakkanno.

YOHAANNISI 13:19

«Kuni coyi ikkara albaanni kulanni noommo'nehu, ikkihu gedensaanni yinannihu ane ikkoommota ammantinanni gedeeti.

YOHAANNISI 16:4

Balaxe konne ki'nera kuloommo'nehu yanna iillitanno woyite yoommo'nere qaagginaraati» yiinsa. Yesuusi lede, «Konne baala balaxe kuloommo'nekkihu ledo'ne noommo daafiraati.