ZAKKAARIYAASI 2:1 - Qullaawa Maxaafa

¹ Wole ajuujanni anga bikkinanni siiwo amadinoha mitto wedellicha afe,

ZAKKAARIYAASI 2:1 ပူးပေါင်းရင်းမြစ်များ

ISAYAASI 54:16

«Buufe bagado tumannoha kalaqoommohu aneeti; bagado amaxxanno bagadaancho kalaqoommohuno aneeti.

ERMIYAASI 31:39

Dannuno hakkiinni kae, Gaareebi yinanni gaara iille Goa yinanniwa mare gawa'lanno.

ERMIYAASI 48:25

Moaabi wolqa hiiqqantino; dhukisino baino. Konne coye coyi'roommohu ani Kaaliiqaati» yii.

HIZIQEELI 40:3

Mulira shiqqi assieta, camote gede xawanno dana afi'rinoha mitto mancho afoommo. Isino shaalado haarretenni gannoonni siiwonna bikkinanni daabba anga amade e'nanni waalchira uurre no.

HIZIQEELI 40:5

Laoommohuno Qullaawa Mineeti; minu gaangaawirano kinchu huxxi no. Manchuno hojja 6 seeddaanna cigile ikkanno daabba haa're, kinchu huxxa bikki. Huxxuno, godowa 6 cigile, du'mille 6 cigile ikki.

HIZIQEELI 47:3

Hakku manchi amadino daabbinni soojjaatira hige ha'ranni noo waa ha'runse 500 qaafo bikki; aneno hakko wayi giddoonni hige saeemmo gede hajajie; wayino lekka'yata woriidi mikita amadi.

HIZIQEELI 47:4

Qoleno 500 qaafo bikkeenna, wayi guluchu geeshsha amadie. Lede 500 qaafo bikkeenna, wayi hallu geeshsha amadie.

DAANIEELI 7:7

Konne la"anni hee'reenna xaano wolqaataamu, bushunna waajjishannohu shoolki moyichi fuli. Isira jajjabba siwiilu hinko noosi. Ugaaxe afi'rinore hattenne hinkonni cancane itanninna lekkasinni kakkadanni no. Isi balaxe afummo moyichubbanni baxxinohonna 10 buuda afi'rinoho.

ZAKKAARIYAASI 1:16

Kunnira, Yerusaalamete Katama maarammora galagale dayemmo; Qullaawu Mini'yanna katamu gatamaramanno› yiino yite lallawi» yiie.

ZAKKAARIYAASI 1:18

Wole ajuujanni, 4 handu buudda afummo.

YOHAANNIS AJUUJA 11:1

Hakkunni gedensaanni bikke laeemmo gede leemmiicho uyine, «Kai, Maganu Minenna kakkalote darga bikki! Hakko Magano magansi'ranno mannano kiiri.

YOHAANNIS AJUUJA 21:15

Coyi'rie sokkaasinchi katama, katamu waalchuwanna kinchu huxxa bikkannota culku siqqicho anga adhe no.