ZAKKAARIYAASI 14:5 - Qullaawa Maxaafa

⁵ Ki'neno ilaala lamewa beehe Etseeli yinanniwa iillino lagichi giddoonni higgine xooqqinanni. Yihudu moote Ooziya yannara, baatto milli yitu waro, akaakka'ne xooqqu gede ikkitine xooqqinanni. Kaaliiqi Magani'ya qullaawa sokkaasinesi baala hoodete adhe daanno.

ZAKKAARIYAASI 14:5 ပူးပေါင်းရင်းမြစ်များ

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

IYUEELI 3:11

Ki'ne qooxeessaho heedhinanni daga baala, rahotenni fultine, lagichaho gamba yiiyye» yiinsa. Kaaliiqa! Olamaasinekki soyi!

AMOOTSI 1:1

Ooziya yinanni moote Yihudaho, Yoaasi beetti Iyorbiaami qole Israeelete moohi waro, Teqoa Katamira ge'reewo allaa'litannori giddonni mittu Amootsi, baatto milli yitara 2 diri gate hee'reenna Kaaliiqi Israeelete manni daafira kulinosi sokka kunninni aante noote.

MIKIYAASI 1:11

Ki'ne Shaafiri qachi manna, mullootu saalsiisanno garinni qafadantine hadhe. Tsanaani Katamira heedhannori katamunni fulate dijawaattanno; Beetietseeli umisi wi'late darga ikkinohura maaxamate di"injaanno'ne.

ZAKKAARIYAASI 4:7

Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

KIIRO 16:34

Hakkiicho noohu Israeelete manni baalu raarensa macciishshe, «Baatto ninkeno egemmitankeraatiwe!» yee xooqe bai.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 24:3

Yesuusi Ejedhete Ilaali aana ofolle hee'reenna rosaanosi calluwinsa isiwa shiqqi yite, «Kuni coyi ikkannohu mamarooti? Ate daaranna diru goofimarchira malaatu maati?» yite xa'mitusi.

MAATEWOOSI 25:31

Yesuusi lede, «Manchi Beetti sokkaasine baalatenni dukkisame ayirrinyunni daye ayirrinyu barcimira ofollanno.

LUQAASI 21:27

Hakkunni gedensaanni Manchi Beetti, lowo wolqanninna ayirrinyunni gomichu giddo daanna mannu la"annosi.

MARRO 33:2

Kaaliiqi Siina Ilaalinni dayi; Edoominni soodo arrishsho gede ikke aanansa fuli; Faaraani Ilaalira hee're xawinsa. Tonnu kumi sokkaasine ledosi no; qiniiticho angasinni bubbanno giira fultanno.

UMI TESELONQE 3:13

Kunni garinni, Mootichinke Yesuusi isire ikkitinori baalu ledo daanno waro, Maganu Anninke albaanni minshanniri nookkirenna qullaawoota ikkitinanni gede wodana jawaachishanno'ne.

LAYINKI TESELONQE 2:8

Hakkunni gedensaanni Mootichu Yesuusi afiisi foolinni hunannohunna ayirrinyunni daanno woyite co'o yee ba"annohu Bunshete Manchi xawo fulanno.

YAIQOOBI 5:8

Ki'neno hatto cince; Mootichu daanno yanna gamba yitino daafira kaajjitine uurre.

YOHAANNIS AJUUJA 11:13

Hakko mereero baatto lowo geeshsha huxidhu. Katamunniti tonnikki anga diigantu. Baattote huxi'ranni kainohunni 7,000 manni reyi; reyotenni gatinohu lowo geeshsha waajje gordu Magano ayirrisi.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.