ZAKKAARIYAASI 14:4 - Qullaawa Maxaafa

⁴ Hatte yannara, isi Yerusaalamete soojjaatoonni noohura Ejedhete Ilaali aana uurranno; hala'ladu lagichi Ejedhete Ilaala soojjaatinni galchimira hige ha're lamewa badanno; kunnira, daratu ilaali aliyyera, daratu ilaali qole wodiidira hige gatanno.

ZAKKAARIYAASI 14:4 ပူးပေါင်းရင်းမြစ်များ

LAYINKI SAAMUEELI 15:30

Daawitino dadille umo guggu'le wi'lanni mulla lekkanni Ejedhete Ilaala gooddi'ri. Ledosi noo manni baaluno umo guggu'le wi'lanni hoodesi fuli.

HIZIQEELI 11:23

Hakku ayirrinyino katama agure soojjaatoonni noo ilaaliwa hige ha'ri.

HIZIQEELI 38:20

Qulxu'menna cea baala, jajjabbanna shiimmaadda saada, baattote aana noo manni baalu ane waajje huxi'ranno. Ilaalla ubbanno; boonna hoshooshante to'anno; kinchu huxxi baalu diigamanno.

HIZIQEELI 43:2

Hakkiichono Israeelete Magani ayirrinye leellishanno xawaabbi soojjaatinni fulanna afummo. Macciishshummo hirbino baaru dambali gede suunannoho. Ayirrinyisi biliccinatinni baatto xabbu.

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

ZAKKAARIYAASI 14:10

Aliyye Geeba Kataminni kayise, Yerusaalamete wodiidi widoonni hige Remooni Katami geeshsha noo gobba taalo ikkitanno. Yerusaalame gaangaawisera noo gobbara iimaanni higge leeltanno; katamuno Biiniyaami xullichinni kayise, bashsho albi xullichi, xa maddete xullichooti yinannihu geeshsha, hattono Hanaanieeli shae huxxunnitenni kayise, mootete mini woyine huuncinanni dargi geeshsha iillitanno.

ZAKKAARIYAASI 14:7

Hakku barri xawaabba agurranna tunsichu dihee'rannoho; kuni ikkannohu mamooteetiro Kaaliiqi egennino.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

ZAKKAARIYAASI 4:7

Zerubaabeeli! Kuni albakkiinni noo ilaali maati? Taalo xawo ikke gatanno; atino Qullaawa Mine galagalchite minatto; Mine tantanatto woyite mannu, ‹Hiittoo xumaati!› yaanni cancanno» yiie.

MAARQOOSI 11:23

Halaale kuleemmo'nena, ayino wodanisinni huluullamikkinni, hasi'ranno coyi wo'mannosi gede amma'ne konne ilaala, ‹Kawiinni ka'e baaru giddo uwi!› yiirono ikkannosi.