ZAKKAARIYAASI 14:1 - Qullaawa Maxaafa

¹ Kaaliiqi, «Anehu yoote barri iillino; hatte yannara, diinna'ne Yerusaalame saantanno. Jajja'neno ki'ne la'inanna beeqqitanno.

ZAKKAARIYAASI 14:1 ပူးပေါင်းရင်းမြစ်များ

ISAYAASI 13:6

Kaaliiqi barri iillino; Wo'manka Dandaannohu bao abbaraatina wi'le!

ISAYAASI 13:9

Kuneeti, cubbaataamma baala gude baatto mullicho assannohu, mararannokkihu Kaaliiqi barri, hanqonna aara uddi're daanni no.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

IYUEELI 2:1

Kaaliiqi barri dayinona, barruno gambisinona, Tsiyooni Ilaali aana xurumba ufuuffe! Qullaawu Ilaali'ya aana raarre! Kaaliiqi barri dayinona, baattote aana heedhannori baalu huxidho!

IYUEELI 2:31

Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

IYUEELI 3:14

Kaaliiqi barri yoote lagichira leellanno yanna iillitino! Kunni daafira, kiiro lowo geeshsha bati'rino manni, hakkiicho gamba yee no.

SOFFOONIYAASI 1:7

Kaaliiqi yoo barri gambisinona, Mootichu Kaaliiqi albaanni sammi yiiyye. Kaaliiqi manna, kakkalote gorrinanni saada gede gorrara qixxaawanni no. Wosinasino kakkalote sagalera keereensino.

ZAKKAARIYAASI 14:14

Yihudu manni nafa Yerusaalame qasanno; gaangaawisera noo dagano jiro baalanta adhitanno; adhitanno jajjino kiiro anfoonnikki culkaati, birraatinna imaanaati.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MILKIYAASI 4:5

«Kune jawunna waajjishannohu yoo'ya barri daara albaanni himanaancho Eeliyaasi ki'newa soyemmo'ne.

SOQQAMAASINETE LOOSO 2:20

Jawunna dhaggennihu Mootichu barri daara albaanni, arrishsho tunsitanno; aganu mundeete soorramanno.

YOHAANNIS AJUUJA 16:14

Insa maalale loossanno ayyaanna durriisunnite. Kuri sasunku battete ayyaanna Wo'manka Dandaanno Maganihura bati'ru barri olira gosa baalate mootoolla gamba assate hadhanno.