ZAKKAARIYAASI 13:9 - Qullaawa Maxaafa

⁹ Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 13:9 ပူးပေါင်းရင်းမြစ်များ

LAYINKI SAAMUEELI 7:24

Mannakki Israeeleno hegerera atere assi'rootto. Mooticha, atino Maganonsa ikkootto.

IYYOOBI 23:10

Ani ha'reemmo doogo egennino; fonqole la"annoe woyite, culku gede xalala ikkoommota afanno.

IYYOOBI 28:1

Birra umme fushshinanniwinna, culka daashshine ximbiimbanniwi no.

FAARSO 144:15

Kunni gari manni ba'raa'rinoho; Kaaliiqi Maganonsa ikkino manni ba'raa'rinoho.

FAARSO 43:4

Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

LAWISHSHA 17:3

Birranna culka giiratenni daashshinanni. Mannu wodana kayinni Kaaliiqi fonqole la"anno.

FAARSO ROORE FAARSO 2:16

Baxillaanchi'ya aneho; anino isite; daraarote mereero hoshshasi allaa'lanno.

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 48:10

Birra giiratenni daashshinannihu gede, ki'neno qarru giiranni daashshoommo'ne; ikkollana mittoreno tidhitinoonnikkire ikkitinoonnita buuxoommo.

ISAYAASI 58:9

Kunni garinni heedhine huuccidhiniero, anino huuccatto'ne macciishsheemmo. Kaa'lo hasidhine raartinanni woyite, raare'ne hidheemmo. «Gadadisa'ne agurtiniro, manna arrassanna bunshe coyi'ra uurrissiniro,

ERMIYAASI 24:5

«Ani Israeelete Magani Kaaliiqi, qafadote Baabilooni soyummo manna tenne dancha laalo gede asse kiireemmo.

ERMIYAASI 30:22

Ki'neno manna'ya ikkitinannie; anino Magano'ne ikkeemmo. Konne coye coyi'roommohu ani Kaaliiqaati» yii.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI 32:38

Insano manna'ya ikkitanno; anino Maganonsa ikkeemmo.

ERMIYAASI 9:6

Bunshete aana bunshe, dogate aana doga leddanni heedhanno; aneno Maganonsa assidhaera dihasidhino» yii.

HIZIQEELI 11:20

Hatte yannara Seera'ya wonshitinanni; hajajo'ya baalanta ayirrissinanni. Ki'ne manna'ya ikkitinanni; anino Magano'ne ikkeemmo.

HIZIQEELI 14:11

Konne asseemmohu, Israeele ane agurtannokki gedenna umonsano cubbunni batteessitannokki gede assateeti. Kunni garinni insa manna'ya ikkitanno; anino Maganonsa ikkeemmo. Konne coye coyi'reemmohu ani Mootichu Kaaliiqaati» yii.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 36:28

Hakkunni gedensaanni, akaakka'nera oommo baattora heedhinanni. Ani Magano'ne ikkeemmo; ki'neno manna'ya ikkitinanni.

HIZIQEELI 37:27

Anino hakkiicho insa ledo hee'reemmo. Ani Maganonsa ikkeemmo; insano manna'ya ikkitanno.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

IYUEELI 2:32

Kaaliiqi su'ma woshshannohu baalu gatanno. Kaaliiqi coyi'rinonte gede Tsiyooni Ilaalinninna, Yerusaalametenni xagichu fulanno. Kaaliiqi doorinonsarino gattanno.

LEEWAAWOOTA 26:12

Mereero'ne hee'reemmo; Magano'ne ikkeemmo; ki'neno manna'ya ikkitinanni.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.

SOQQAMAASINETE LOOSO 2:21

Mootichu su'ma woshshannohu baalu gatanno› yaanno himani wo'manno gedeeti.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

UMI PHEEXIROOSI 4:12

Jaalla'ya! Giirate gede fonqolanno qarri giddo heedhiniro, anfoonnikkihu haaru coyi iillino'nehu gede assitine dhaggeeffattinoonte.

YOHAANNIS AJUUJA 21:7

Qeelannohu konne baala ragi'ranno; ani Maganosi ikkeemmo; isino beetto'ya ikkanno.

YOHAANNIS AJUUJA 8:10

Sayikki sokkaasinchino xurumba ufuufi. Caabbichu gede bubbannoti lowo beeddakko gordu aaninni ubbu. Ubbinohu daaddanno wayibbara sayikki anga aanaatinna bu'a anga sayikkite aanaati.

YOHAANNIS AJUUJA 8:11

Beeddakkote su'mano Qaraaro yinanni. Wayino sayikki anga qaraarannoha ikki. Qaraarotenni kainohunni lowo manni reyi.

YOHAANNIS AJUUJA 8:12

Shoolki sokkaasinchino xurumba ufuufi. Arrishsho sayikki anga, aganu sayikki anga, beeddaheno sayikki anga ganantu. Kunnira, insatino sayikki anga tunsitu. Kunni garinni barru giddonni sayikki anga, hashshuno sayikki anga tunsi.

YOHAANNIS AJUUJA 8:7

Umi sokkaasinchi xurumba ufuufi. Mundee giddo karsantino giiranna kaade baattote aana ubbu; baattonniti sayikki anga giirantu. Haqqeno sayikki anga giirantu; daffitino hayisso baala giirantu.

YOHAANNIS AJUUJA 8:8

Layinki sokkaasinchino xurumba ufuufi. Buwanni noohu lowo ilaali baaru giddo uwi. Hakka woyite baarunniti sayikki anga mundee ikkitu.

YOHAANNIS AJUUJA 8:9

Baaru giddo noorihu lubbo afi'rino kalaqami giddonni sayikki anga ikkannohu reyi. Baaru aana noo markabba giddonni sayikki anga ba'u.