ZAKKAARIYAASI 13:8 - Qullaawa Maxaafa

⁸ Gobbate aana noo manni giddonni sasunni lame anga reyiteenna, sasunni mitte anga gattanno.

ZAKKAARIYAASI 13:8 ပူးပေါင်းရင်းမြစ်များ

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 5:12

Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

DAANIEELI 9:27

Hakku albisi lowo manni ledo 7 diri geeshsha jawaata gondooro eanno; 7 dirinna daratu sa"anno woyite Maganoho uyinanni kakkalonna fushshaate hoolanno. Qullaawu Mini aana baote batte uurrisanno. Kuni ikkannohu Maganu hirqino garinni hakku albisi ba"anno yanna dagga geeshshaati» yii.

AMOOTSI 9:10

‹Mittuno bushu coyi di"iillannonke woy diamadannonke› yitanni, manni'ya giddo boo'nitanno cubbaataammi baalu olu giddo reyitanno» yii.

SOFFOONIYAASI 3:12

Mereero'ne umosi heeshshi assinoha jooga manna gatiseemmo. Kuni mannino ane hexxannohanna kaa'lo'ya hasi'rannoha ikkanno.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

MAATEWOOSI 22:7

Hatte yannara moote hanqe olantosi soyenna, hakkore shiture shite katamansano giirtu.

MAARQOOSI 13:20

Mootichu hakko barra haransa hoogoommero, ayino digatanno. Maganu doodhino manni daafira yee hakkonne barra haransanno.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.