ZAKKAARIYAASI 13:2 - Qullaawa Maxaafa

² Hakka waro, magannansa su'ma gobbate aaninni huneemmo; layinkimeeshsho qaagannonsahu dihee'ranno; battete ayyaaninni coyidhannore kaphu himanaano baattote aaninni hooleemmo.

ZAKKAARIYAASI 13:2 ပူးပေါင်းရင်းမြစ်များ

UMI MOOTOOLLA 22:22

«Kaaliiqino, ‹Hiitto assite so'risiisatto?› yee xa'mi. «Hakku ayyaanino, ‹Mare Akiaabi himanaano baala kapho himantanno gede asseemmo› yiino. «Kaaliiqino, ‹Maahoyyena marte so'risiisi. Yootto coyi ikkannohena› yiino» yiisi.

FAARSO 16:4

Wole maganna hoode doddannorira qarru bati'rannonsa; ani kayinni kakkalonsara dikarsameemmo; magannansano dimagansi'reemmo.

FULO 22:13

Saada moyichu itinoha ikkiro, cage abbe leellishona; itantino saada kayinni riqiwoonke.

FULO 23:13

Yoommo'nere baala seekkitine agadhe; wole maganna huuccidhinoonte; su'mansano ga'nitinoonte.

ISAYAASI 2:18

Kaphu maganna co'o yite ba'anno.

ISAYAASI 2:20

Magansidhara seekkidhinota birrunna culku misilla futahehonna rarraattete tugganni hadhanno.

ERMIYAASI 29:23

Kuni coyi iillannonsahu Israeelete giddo makki'nanni coye assitinohuraatinna jaallansa galte ledo foortino daafiraati; hattono ani soyummonsakkinni kaphu himana himantino daafiraati. Assitinore baala afoommo daafira ani umi'ya naqaashshete. Konne coye coyi'roommohu ani Kaaliiqaati› » yii.

HIZIQEELI 12:24

«Israeelete manni mereero kaphu ajuuja woy so'rote himani kunni ka'a horonta dikulamanno.

HIZIQEELI 13:23

Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.

HIZIQEELI 14:9

«Mittu himanaanchi dogame kapho himanannoha ikkiro, kapho himananno gede assoommohu ani Kaaliiqaati. Ikkirono, giwe manni'ya mereerinni iso fushshe huneemmo.

HIZIQEELI 30:13

Mootichu Kaaliiqi, «Memfiisi noo misillanna kaphu maganna baala huneemmo. Gibitse gashshara ka"annohu dihee'ranno; baattote aana waajjille facci asse agureemmo.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

HIZIQEELI 36:29

Batteessanno'ne coyi baaluwiinni gatiseemmo'ne; kunni ka'a hudidhinannikki gede gide halashsheemmo'ne.

HIZIQEELI 37:23

Hakkunni gedensaanni, tiyyi'nanni maganna kaphunnitenni umonsa dibatteessitanno; cubbunnino disarraaqantanno. Ane gibbe loossino cubbi baalunku giddonni fushsheemmonsa; cubbinsawiinnino keereenseemmonsa. Insa manna'ya ikkitanno; anino Maganonsa ikkeemmo.

HIZIQEELI 43:7

«Koo manchi beetto, kuni ayirrinyu barcima'yaati. Konne Israeelete manni mereero hegerera hee'reemmo. Kunni ka'a insanna mootoollansa kaphu maganna magansi'ratenni woy konniicho mootoollansa waa'matenni qullaawa su'ma'ya dibatteessitanno.

HIZIQEELI 6:6

Israeelete katamma baalanti co'o yite ba'anno; kakkalonsa darguwanna kaphu kakkalonsa baala hiiqqante butu yitanno. Hixaana giirranni uduunnino cancanamanno; seekkidhinori baalu co'o yee ba"anno.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

HOOSEI 2:17

Kunni ka'a Ba"aali yinanni su'ma gantara wore diagureemmo; higgeno qaaggannokki gede asseemmo.

HOOSEI 2:19

Israeele, ani ayiddaama'ya assi'reemmohe; halaalaanchonna ammanamoommoha ikkeemmohe. Bagamannokki baxillinni baxeemmohe; hegerera galte'ya assi'reemmohe.

MIKIYAASI 2:11

«Tini gosa, ‹Woyinete xajje agonna woleno dimbisanno ago afi'ratenni duubbinanni› yaanni beebba coyi'ranni doganno himanaancho baxxanno.

SOFFOONIYAASI 2:11

Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

MAATEWOOSI 12:43

Yesuusi lede, «Bushu Ayyaani mannu giddonni fulanno woyite, Fooliishshi'rannowa hasi'ranni wayi nookkiwa moola gobbara raataawanno. Hasi're hoogiro kayinni,

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

LUQAASI 11:20

Ani durriisa Maganu wolqanni fushsheemmoha ikkiro, kuni coyi Maganu Gashshooti ki'newa iillinota leellishanno.

MARRO 12:3

Kakkalonsa dargano diigge; kakka'litanno sooddiyye hiiqqaqqe. Asheera maganota mokkollose giirre. Sooddiyyese cancanne. Layinkimeeshsho magansi'nannikki gede su'mansano hakko darginni hunne.

MARRO 18:20

Ikkollana, ani hajajoommosikkiha seyate su'mi'yanni coyi'ranno himanaanchi woy wole maganna su'minni coyi'rannohu hee'riro reyo› yiino.

IYYAASU 23:7

Hakkunni gedensaanni, giddo'ne noo daga ledo horonta namoontinoonte; magannansa su'mano woshshitinoonte. Su'minsanni xaartinoonte; insara soqqantinoonte; kumbuultinoontensa.

YOHAANNIS AJUUJA 18:2

Isi naggi yitino qoonqonni, «Bati'ra Baabilooni ubbu! Ubbu! Durriisu galannowa, battete ayyaanna gollonna cee'mishshannotinna giwissanno cea heedhannowa ikkitu.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.