ZAKKAARIYAASI 12:5 - Qullaawa Maxaafa

⁵ Hakka waro, Yihudu gashshaano wodaninsanni, ‹Olantote Mootichi Kaaliiqi Maganonsa ikkinohura, Yerusaalamete hee'ranno manni wolqa afi'rino› yitanno.

ZAKKAARIYAASI 12:5 ပူးပေါင်းရင်းမြစ်များ

FAARSO 144:1

Hale'ya ikkinohu Kaaliiqi galatamo! Gaaroho qajeelchannoe; olahono qixxeessannoe.

FAARSO 18:32

Wolqa aannoehunna, doogo'ya keerunnita assannoehu Kaaliiqaati.

FAARSO 18:39

Olaho wolqa oottoe; gawajjitannoere lekka'yara woroonni karootto.

FAARSO 46:1

Maganu golonkeetinna wolqankeeti; qarru iillannonke yanna baalate kaa'late qixxaawaho.

ISAYAASI 1:10

Ki'ne gashshaanonna Yerusaalamete manni baalu Soddoomunna Gomooru manni gedeereeti. Ani Kaaliiqi Magani'ne yeemmore wodana assitine macciishshe:

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 1:26

Yerusaalame, albiri gedee gashshaanonna amaalaasine kayiseemmohe. Hakkunni gedensaanni, ‹Keeraanchoho; ammanama noosi katamaati› yinannihe» yii.

ISAYAASI 28:5

Hatte yannara Olantote Mootichi Kaaliiqi reyotenni gatinohura mannisira ayirrinyu ba'latto ikkannonsa.

ISAYAASI 28:6

Yoo yitannorira coye taashshate hayyo aannonsa. Katamu huxxi waalcho agartannorirano wolqa ikkannonsa.

ISAYAASI 29:10

Kaaliiqi jalli assino'ne daafira goxano adhite ba'ino'ne. Himanaanonna ajuuja la'annori mannaho ille ikka hasiissinonsa; Kaaliiqi kayinni illensa beeshshino.

ISAYAASI 32:1

Taashshe gashshanno moote daannoti yanna iillitino; ledosi gashshaanono halaalu yoo yitanno.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ISAYAASI 60:17

«Camote darga culka, siwiilu darga birra, haqqu darga camo, kinchu darga siwiila abbeemmo. Gashshaanokki gadadissuhekkinni, keerunninna halaalunni gashshitannohe gede asseemmo.

ERMIYAASI 30:21

Ilama'ne ikkinohu gashshanno'ne; umi'ne fiixa ikkinohu gashshanno'ne; isono anewa shiqqi yaanno gede woshsheemmosi; ani woshshummokkinni anewa shiqqi yee afannohu nooni?

ERMIYAASI 33:26

Hattonni Yaiqoobi sirchinna soqqamaanchi'ya Daawiti ledo eoommo gondooro wonsheemmo. Abirihaami, Yisihaaqinna Yaiqoobi sirchi aana moohannoha Daawiti sirchinni dooreemmo. Manna'ya galagalche marare qawaaxxi're hee'ranno gede asseemmo» yii.

IYUEELI 3:16

Kaaliiqi Tsiyooni Ilaalira, Yerusaalamete hee're harqanno; gordunna baatto shafantanno. Isi kayinni mannisira Israeelete, gaa'linanni qiisho ikkanno.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

ZAKKAARIYAASI 12:4

Hatte yannara, faraddansa dammasseemmo; faradaasinensano macharaarseemmo; diinnansa faradono balliseemmo; Yihudu manna kayinni seekke agareemmo.

ZAKKAARIYAASI 12:6

«Hatte yannara, Yihudu gashshaano dubboho qansoonnitenna iillino gide ittanno giira gedeere asseemmonsa; gaangaawinsara noo gashshoote baala guddanno; Yerusaalamete manni kayinni, katamu giddo keere hee'ranno.

ZAKKAARIYAASI 14:14

Yihudu manni nafa Yerusaalame qasanno; gaangaawisera noo dagano jiro baalanta adhitanno; adhitanno jajjino kiiro anfoonnikki culkaati, birraatinna imaanaati.

EJJEETTO 5:9

Ane wodani Israeelete ejjeetto ledonna, umisinni kakkaino manni ledo no; Kaaliiqira galatu iillo!