ZAKKAARIYAASI 12:3 - Qullaawa Maxaafa

³ Ikkollana kayinni hakku barri iillanno woyite, Yerusaalame daga baala dukke kayissannokki kinchi gedeeta asseemmose. Ise kayisara wo'naalannohu baalu umosi gawajjanno; gosa baala ise miiccara mimmitoho garo ikkite dagganno.

ZAKKAARIYAASI 12:3 ပူးပေါင်းရင်းမြစ်များ

ISAYAASI 60:12

Atera hajajantannokki gosanna, gashshootu baalu co'o yee ba"anno.

ABIDIYU 1:18

Yaiqoobi ilama giirate gede, Yooseefi ilamano buwanu gede ikkite, Eesawu sircho galawimma giirtanno. Eesawu sirchi mittuno digatanno. Konne coyi'roommohu ani Kaaliiqaati.

MIKIYAASI 5:15

Anera hajajama gibbino gosa duuchanta hanqi'yanninna aari'yanni rabbisi'reemmo» yaanno.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

IMBAAQOOMI 2:17

Libaanoosi assi'rootto beebba ateno amaddannohe; saada gudakkino masissannohe. Kuni ikkannohu manna shootto daafira, gobbanna katamma, qolteno giddonsa noore baala gudootto daafiraati.

SOFFOONIYAASI 3:19

Shetissannohere baala hatte yannara qorichisheemmo; laaffinore baala gatiseemmo. Shorrantinoreno qole gamba asseemmo; shollinyensano ayirrinyeho soorreemmo. Shollitino darga baalaho, ayirradunna galatamino su'mire asseemmonsa.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

ZAKKAARIYAASI 12:11

Hatte yannara, Yerusaalamete macciishshinanni wi'la Megido Xawira Hadaadiremoonira wi'lini wi'la gedeeta ikkitanno.

ZAKKAARIYAASI 12:4

Hatte yannara, faraddansa dammasseemmo; faradaasinensano macharaarseemmo; diinnansa faradono balliseemmo; Yihudu manna kayinni seekke agareemmo.

ZAKKAARIYAASI 12:6

«Hatte yannara, Yihudu gashshaano dubboho qansoonnitenna iillino gide ittanno giira gedeere asseemmonsa; gaangaawinsara noo gashshoote baala guddanno; Yerusaalamete manni kayinni, katamu giddo keere hee'ranno.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

ZAKKAARIYAASI 14:13

Hatte yannara, Kaaliiqi masillenna waajja soyenna, mimmitonsa shite guddanno.

ZAKKAARIYAASI 14:6

Hakka waro, qorrunna kaade horontanni diheedhanno.

MAATEWOOSI 21:44

Kunni kinchi aana uwannohu hiiqqamanno; kinchu aanaho uwannosi manchi kayinni cancanamanno» yiinsa.

LUQAASI 20:18

Hakko kinchi aana uwannohu baalu hiiqqaqqamanno. Kinchu aanasi uwannohu kayinni daahamanno» yiinsa.

YOHAANNIS AJUUJA 16:14

Insa maalale loossanno ayyaanna durriisunnite. Kuri sasunku battete ayyaanna Wo'manka Dandaanno Maganihura bati'ru barri olira gosa baalate mootoolla gamba assate hadhanno.