ZAKKAARIYAASI 11:7 - Qullaawa Maxaafa

⁷ Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

ZAKKAARIYAASI 11:7 ပူးပေါင်းရင်းမြစ်များ

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 27:4

Kaaliiqa mitto coye huucci'roommo; hasi'reemmohuno hakkonneeti; hakkuno, heeshsho'ya diri baalankunni minesi hee'reemmo gede, Kaaliiqi danchumma laeemmo gedenna, Qullaawa Minesi hee're huucci'reemmo gedeeti.

FAARSO 90:17

Mooticha Maganonke, ninkera ate elle ikkitonke; assi'neemmore baala qineessinke.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ERMIYAASI 39:10

Mittoreno afidhinokki buxane calla Yihudaho agure ha're woyinenna shaana kaasidhanno darga uyinsa.

LEEWAAWOOTA 27:32

Lalu, ge'reewunna meu giddonni kiirranna wodambu kisannohu tonnunni mittu aneho; tonnikkihu anera qullaawaho.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

SOFFOONIYAASI 3:12

Mereero'ne umosi heeshshi assinoha jooga manna gatiseemmo. Kuni mannino ane hexxannohanna kaa'lo'ya hasi'rannoha ikkanno.

ZAKKAARIYAASI 11:14

Hakkunni gedensaanni, «Mittimma» yinannita layinki siqqo haa're hiiqqummo; hatto assa'yanni Yihudunna Israeelete mereero noo mittimma diigummo.

ZAKKAARIYAASI 11:4

Kaaliiqi Magani'ya, «Hanni umokki ge'reewo gorrara haa're ha'ranno allaalaanchi gedeeha assi.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAARQOOSI 12:37

Daawiti umisi, ‹Mooticha› yee woshshannosi. Kiristoosi, hiitto ikke isi beetto ikkannoyya?» yee xa'mi. Lowo manni Yesuusi yaannore hagiirrunni macciishshi.

YOHAANNISI 10:16

Tenne hoowe giddo nookkihu wolu ge'reewino nooe; insano abba hasiissannoe. Insano huuro'ya macciishshitanno. Mitte hoshsha ikkitanno; allaalaanchuno mitto ikkanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI SAAMUEELI 17:40

Hakkunni gedensaanni siqqo anga adhe, 5 qunqumadda kinna xashshu gaminni doore haa're ogorisira wodhi; corqaayyesino adhe Filisxeemichunniwa mari.

UMI SAAMUEELI 17:43

Filisxeemichu Daawiti, «Siqqo adhite daattoehu ani woshicho lawummohe?» yee magannasi su'minni rumisi.