ZAKKAARIYAASI 11:4 - Qullaawa Maxaafa

⁴ Kaaliiqi Magani'ya, «Hanni umokki ge'reewo gorrara haa're ha'ranno allaalaanchi gedeeha assi.

ZAKKAARIYAASI 11:4 ပူးပေါင်းရင်းမြစ်များ

FAARSO 44:22

Ate daafira wo'ma woyite shinoonninke; gorrinanni ge'reewi gedeno ikkinoommo.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

ZAKKAARIYAASI 11:7

Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

ZAKKAARIYAASI 14:5

Ki'neno ilaala lamewa beehe Etseeli yinanniwa iillino lagichi giddoonni higgine xooqqinanni. Yihudu moote Ooziya yannara, baatto milli yitu waro, akaakka'ne xooqqu gede ikkitine xooqqinanni. Kaaliiqi Magani'ya qullaawa sokkaasinesi baala hoodete adhe daanno.

MAATEWOOSI 15:24

Isino, «Ani soqqame dayommohu Israeelete giddonni ge'reewu gede ikke ballehino manniraatilla» yee dawari.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

YOHAANNISI 20:17

Yesuusino, «Xaara Anni'yawa difuloommona amaddootie!» yiise. Qoleno, «Marte ka'e kayinni roduuwi'yara, ‹Ani galagale Anni'yawanna Anni'newa, Magani'yawanna Magani'newa ha'ranni noommo yiino› yite kulinsa!» yiise.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!