ZAKKAARIYAASI 11:3 - Qullaawa Maxaafa

³ Shaqqadu saada hosiisidhanno dargi co'o yee bainohura, allaalaasine, «Woo!» yite wi'litanno. Yordaanoosi Laga doyisse noo dubbi baino daafira, doobbiyu ittananna macciishshe.

ZAKKAARIYAASI 11:3 ပူးပေါင်းရင်းမြစ်များ

FAARSO 22:21

Doobbiyu afiinni gatisie; lubbo'ya qassanno buudda woraammannitenni agarie.

ISAYAASI 5:29

Olantonsa, shorre amadinoricho afiisinni karara dandaannohu nookki doobbiichi gede ittantanno.

ISAYAASI 65:15

Ani doodhoommo manni ki'ne su'ma rumonniha asse kiiranno; ani Mootichu Kaaliiqi ki'ne reyote sayise eemmo; soqqamaano'yara kayinni haaro su'ma fushsheemmonsa.

ERMIYAASI 2:15

Diinna'ne doobbiyu gede ittantu; baatto'ne mullicho assitino; katamma'neno giirante mannu hee'rannokkita ona ikkitino.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 26:6

Yoommota ikkitinannikkiha ikkiro, konne mine Seelo assummo gede asseenna konne katamano baattote aana noo gosa baala rumonniha assite kiirtanno» yii.

ERMIYAASI 49:19

Yordaanoosi mule noo dubbi giddonni fule, daffitino kalo giddora eanno doobbiichi gede ikke, hedeweelcho daye Edoomoota shorre, hasi'roommoha shoomeemmo. Hoolannoehu ane gedeehu ayeti? Ittisannoe gashshaanchino hiikkonneeti?

ERMIYAASI 50:44

«Yordaanoosi mule noo dubbi giddonni fule, kalloonni hayisso giddora eanno doobbiichi gede ikke, hedeweelcho daye Baabiloonoota shorre, hasi'roommoha shoomeemmo. Hoolannoehu ayeti? Ane gedeehu nooni? Ittisannoe gashshaanchino hiikkonneeti?

ERMIYAASI 7:4

Qullaawu Mini'ya konniicho noo daafira calla, Maganu gatisannonke yitinanni dogantinoonte.

HIZIQEELI 19:2

Amakki hiittoo doobbiichooti! Waajjishanno doobbiyi mereero oosose lossidhino.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

IYUEELI 1:13

Magani'nera uyitinanniri, gidinna woyinete xajje nookki daafira, ki'ne kakkallanni darga soqqantinanni qeese, xiddu uddano uddidhine dadille. Qullaawu Minirano e'ine hashsha wo'ma wi'le.

AMOOTSI 8:8

Kunni coyira baatto shafantanno; hatte gobbara hee'rannohu baalu wi'lanno; Abbayi Wayi wo'me iima hige kae galagale dirrannonte gede, gobba gudisante tenqe yitanno.

SOFFOONIYAASI 1:10

Qoleno Kaaliiqi, «Hakko barra Yerusaalamete huxxira qulxu'mu waalchi widoonni raare fultanno. Haaru gudumaalirano wi'la shooshshitanno; gaarrate qooxeessino luulo ikkanno.

SOFFOONIYAASI 3:11

Boonaleeyyenna naaxxaleeyye mereeri'nenni hooleemmo. Hatte yannara ane aana assitinoonni saora disaalfattinanni. Hakkunni gedensaanni Qullaawu Ilaali'ya aana anera gara digibbinannie.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

ZAKKAARIYAASI 11:2

Daguwu uwino daafira, ki'ne hoomme, «Woo!» yitinanni wi'le. Xirchaame haqqe duuchanti ba'ino; wo'me noo dubbi dolamino daafira, Baasaani qilxooti, «Woo!» yitinanni wi'le.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

MAATEWOOSI 15:14

Insa illiweelte heedhe illiweeloota massaggannoreetina agurre. Illiweelu illiweelo massagiro lamunku balete ubbanno» yiinsa.

SOQQAMAASINETE LOOSO 7:52

Annuwa'ne xiibbinokki himanaano nooni? Insa Qullaawu daannota umo assite kultinore shitino. Ki'neno xa konne Qullaawa sayissine uyitine shitinoonni.