ZAKKAARIYAASI 11:16 - Qullaawa Maxaafa

¹⁶ kuneeti gobbate ge'reewo'ya agarannoha mitto allaalaancho kayiseemmo; ikkollana kayinni, isi gawajjantinore ditowatanno; ba'inore dihasanno; hiiqqantinore disissanno; keere noore ditowatanno; towata agure misinoha gorre itanno; culunqansano cancananno.

ZAKKAARIYAASI 11:16 ပူးပေါင်းရင်းမြစ်များ

KALAQAMA 31:38

Lemoo diro wo'ma ate ledo hee'roommo; ge'reewikkinna meikki fushshe dihunino; saadakki giddonni mitto wilii'lichono di"itoommo.

KALAQAMA 33:13

Yaiqoobi kayinni, «Mooticha'ya, ooso jawaattinore ikkitinokkita ati afootto; qansidhanno saadara, wilii'linsaranna siittinsara qoropha hasiissannoe; mitto barra nafa muddine ganniro saada baalanti gooffanno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ERMIYAASI 23:2

Ani manna'ya towattinanni gede hedoommo. Ki'ne kayinni billaallissinannire ikkitinoonni. Kunnira, ani Israeelete Magani Kaaliiqi ki'ne aana noommo; assitinoonni bunshe baalate qorichisheemmo'ne.

ERMIYAASI 23:22

Gordoho ane ledo songo ofoltinoha ikkoommero, ki'ne Yihudu manni cubbo'ne aagintaabbinanni gedenna, anewa higginanni gede kultanno'ne.

HIZIQEELI 34:10

Ani Mootichu Kaaliiqi ki'nera hanqunni kaoommota xawoho kuleemmo'ne; ge'reewo'ya anga'nenni adheemmo. Umo'ne calla maddadhitinara diagureemmo; ge'reewo'ya allaaltinannikki gede asseemmo; kunni ka'a ki'nera sagale ikkara wore diagureemmo› yiino yite kulinsa» yiie.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 34:21

Yaradda qoti'nenninna lekka'nenni xiibbine tugginanni; buudda'nenni qassinanni hoshshate giddonni fushshitinanni.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

YOHAANNISI 10:1

Yesuusi qole, «Halaale kuleemmo'nena, ge'reewu hoowe giddora waalcho agure wole widoonni mure eannohu mooraanchohonna wolqatenni adhannoho.