ZAKKAARIYAASI 11:12 - Qullaawa Maxaafa

¹² Anino, «Baxxiniro daafuri'ya waaga uuyye"e; gibbiniro agurre» yuummonsa; insa kayinni daafuri'yara 30 kinchu birra uyitue.

ZAKKAARIYAASI 11:12 ပူးပေါင်းရင်းမြစ်များ

KALAQAMA 23:16

Abirihaamino Efirooni yiinota macciishshe, mannu afanna kulino garinni Abirihaami 400 kinchu birra keene uyisi.

KALAQAMA 37:28

Yooseefino baletenni fushshite hakkaanni higge sa'anni noorira Midiyaamete daddalaasinera 20 kinchu birrira hirtusi; Ismaeelootuno Yooseefi Gibitse haadhe hadhusi.

UMI MOOTOOLLA 21:2

Mitto barra Akiaabi Naabute, «Woyinete kaashshiti gobbakki mootimma'ya minira mule noo daafira, shaanu gedeere kaasi'reemmona uyie. Atera hakkiinni woyyitanno baatto eemmohe. Hira hasi'rittorono dancha gede baateemmohe» yiisi.

UMI MOOTOOLLA 5:6

«Kunnira, daguwa karanno manna Libaanoosi soyie; ane mannino haqqe ledonsa karanno gede asseemmona. Mannikkirano ati hedoottore baateemmo. Afittonte gede ane manni atehu geeshsha haqqa murranni gara diegennino» yee sokka soqqi.

LAYINKI DUDUWO 30:4

Mootenna Israeelete songo baala tini hedo tashshi assitunsa.

FULO 21:32

Bootu labbaaha woy meya borojjicho qase shiiro, bootu anni borojjichu annira 30 kinchu birra oona. Booto kayinni kinnatenni ganne shinona.

ERMIYAASI 32:9

Anino Hanaamieeliwiinni baatto hidhummo; 200 giraame ikkanno birra keene uummosi.

LEEWAAWOOTA 27:4

Meyata ikkituro 30 kinchu birra oona.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

MAATEWOOSI 26:15

«Yesuusa sayise uummo'nero ma uyitinannie?» yii. Insano sajjoo kinchu birra uyitusi.

MAATEWOOSI 27:10

Mootichu hajajinoe garinni, dora ganannohu uullara baattu» yiino himani wo'mi.

MAATEWOOSI 27:9

Kunni garinni, Himanaanchu Ermiyaasi, «Israeelete gosa heddinosi waaga sajjoo kinchu birra adhitu.

YOHAANNISI 13:2

Yesuusinna rosaanosi hashshi hurbaate ittanni heedheenna, Simiooni beetti Asiqorootu Yihudira Yesuusa sayise aanno gede Sheexaanu wodanisi giddo busha hedo wori.