ZAKKAARIYAASI 10:9 - Qullaawa Maxaafa

⁹ Dagate mereero billaallisummonsarono, hakko fafo gobbara heedhe qaaggannoe. Insanna oosonsa gattanno; mitteenni gobbansa higganno.

ZAKKAARIYAASI 10:9 ပူးပေါင်းရင်းမြစ်များ

ASTEERI 8:17

Mootete lallawa kulloonni gobbaranna katamma baalate heedhanno Ayihude hakko barra ayyaana ayirrisse hagiidhitanni ji'litu. Kunninni kainohunni lowohu wole gobba manni Ayihude waajje insa widira higi.

ISAYAASI 44:21

Kaaliiqi, «Israeele, ani soqqamattoera kalaqoommoheta qaagi! Anino dihaweemmo.

ISAYAASI 64:4

Bi're albinni kayisse hexxitannosirira togoo dhagge assinoha, ate gedee Magano affino illenna, macciishshitino macca horonta dino.

ISAYAASI 65:23

Assidhannori baalu qinaannonsa; oosonsa dano dikissanno; insatanna ilamansata geedonsa maassi'reemmo.

ISAYAASI 65:9

Yaiqoobira ooso eemmosi; Yihudu ga'reno ilaalla ragidhanno gede asseemmo. Soqqamannoehu doodhoommo manni, hakkiicho hee'ranno.

ERMIYAASI 31:27

Kaaliiqi, «Ani Kaaliiqi Israeeletenna Yihudaho mannunna saada wo'mitanno gede asseemmo.

ERMIYAASI 51:50

Kaaliiqi Baabilooni hee'ranno mannira, «Ki'ne reyotenni gattinoonniri manni'ya, rakkine fultine hadhe! Manni gobbara heedhinirono, ane Kaaliiqanna Yerusaalame habbinoonte.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HOOSEI 2:23

Manna'yano baattote aana wixeemmo; duroo'mitanno gedeno asseemmonsa; «Maaro nookkireeti» yinoonnire maareemmonsa. «Manna'ya di"ikkitinoonni» yinoonnire, manna'yaati yeemmonsa. Insano, «Ati Maganonkeeti» yitannoe.

AMOOTSI 9:9

«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

SOQQAMAASINETE LOOSO 8:1

Saawuli Isxifaanoosi shaate sumuu yiino. Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu.

SOQQAMAASINETE LOOSO 8:4

Billaallitino Ammanaano hadhuwa baala Maganu qaale kultu.

ROOMU SOKKA 11:24

Kalaqamunni dubbu ejersi sinna ikkitinoonniri ki'ne Daga, darga'ne ikkinokkiha gati ejersi darga amaddinanni gede assini'neha ikkiro, gati ejersi sinna ikkitino Ayihude albi darginsara qola lowo geeshsha di"injiitanno?